Ditzionàriu in línia
de sa limba e de sa cultura sarda

arroteàre , vrb Definitzione girare, tròchere una cosa a dónnia parte Sinònimos e contràrios imbolliai Frases arròteat sos ocros a inghíriu, fachendhe chi emmo chin sa conca Tradutziones Frantzesu tourner, rouler, tournoyer Ingresu to swing Ispagnolu girar, voltear Italianu roteare Tedescu in Kreise schwingen.

bantzicallèra , nf: bantzigallena, bantzigalera Definitzione tauledha chi pendhet, poderada apicada cun duas funes (o cadenas), po si dhue cicire a si tzantzigare cun d-unu movimentu a s'andhalieni; custu movimentu etotu Sinònimos e contràrios achinnadórgiu, bantzigallella, bellabbellantza, catricalleri, chichiríllia, chíglia, períncia, perrintza, pillirintzone, pindilinzone, sanciainedha, tandhariola, tzantzajola, tzantzigannenne Frases dàemi un'imberta in sa bantzicallera ca est arressàndhesi! ◊ andhat e torrat chin su càntzica càntzica de sa bantzicallera Terminologia iscientìfica ggs Ètimu srd. Tradutziones Frantzesu balançoire, escarpolette Ingresu swing Ispagnolu columpio Italianu altaléna Tedescu Schaukel.

bantzigannèlla, bantzigannènna, bantzigannènne , nf Definitzione tauledha apicada pendhendho cun duas funes (o fintzes cadenas), po si dhue cicire a si tzantzigare cun movimentu a s'andhalieni; custu movimentu puru Sinònimos e contràrios achinnadórgiu, bantzigatella, bellabbellantza, catricalleri, chíglia, períncia, perrintza, pindilinzone, sanciainedha, tandhariola, tzantzajola, tzantzigalitu / cdh. bancicajola Terminologia iscientìfica ggs Ètimu srd. Tradutziones Frantzesu balançoire Ingresu swing Ispagnolu columpio Italianu altaléna Tedescu Schaukel.

cantzicàre , vrb: gantzigare Definitzione mòvere de una parte a s'àtera a tzantzigadura e fintzes cracare o pistare cun is peis Sinònimos e contràrios bantzicare, chigliare, lachedhare, sansiae, tzantziare Frases unu pore de zente no bi chinnit ocru, no bi càntzicat anca, no tremet unu chizu ◊ andhat e torrat chin su càntzica càntzica de sa bantzicallera ◊ fipo arressu chin sa frebbe, no mi podio cantzicare Ètimu srd. Tradutziones Frantzesu balancer Ingresu to swing Ispagnolu mecer Italianu dondolare Tedescu schaukeln.

sanciainèdha , nf: cinciaunnedha, santzaina, santzainedha, santzianedha, santziainedha, tzantzainedha Definitzione tauledha (o cadiredha) chi pendhet, acapiada apicada cun duas funes, po si dhue pòdere cicire a si tzantzigare cun d-unu movimentu a s'andhalieni; custu movimentu etotu Sinònimos e contràrios achinnadórgiu, bantzigallella, bellabbellantza, catricalleri, chíglia, períncia, perrintza, pindilinzone, tandhariola, tzantzigannenne / sànciu, tzantzajola, tzàntzigu / cdh. bancicajola Frases nosu furistus cincu gioghendu a santzaina candu ndi benit cussu macu a mi narri "Fillu 'e concorredha"!◊ chi sa vida siat una santziainedha e siant is àterus sèmpiri a dha santziai? Terminologia iscientìfica ggs Ètimu srd. Tradutziones Frantzesu balançoire Ingresu swing Ispagnolu columpio Italianu altaléna Tedescu Schaukel.

sansiàe, sansiài , vrb: sansiari, santziai, santzinai, tzantzigare Definitzione giare unu movimentu de andhetorra a cosa apicada o fintzes posta in terra ma de pòdere mòvere chentza dificurtade, èssere a su move move, pagu firmu; saidare, mòvere a forte, a iscutuladura a duas bandhas; bogare o fàere intèndhere dinare po pagare Sinònimos e contràrios bantzicare, chigliare, intzainnai, lachedhare, sachedhare / saidare, tzannigare / pagai Maneras de nàrrere csn: santziai su frenu a su cuadhu = mòere su frenu, coment'e pro lu chèrrere abbiare, fàghere andhare e gai; andai sàntzia sàntzia = nadu de traste iscossiminzadu, èssere male frimmu; èssiri sàntzia sàntzia = èssere a su moe moe, coment'e bantzighendhe Frases est totu s'ora santziendi su bartzolu ◊ totu est tremi tremi, is pubas sàntzia sàntzia mi parru in mesu mari (L.Porcedhu)◊ acabbadha de ti santziai, ca mi fais benni gana maba puru! ◊ a su cuadhu dhi sàntziat unu ferru ◊ su barsolu portat is pes atundhaus po dhu sansiari 2. sàntziat sa mata po ndi arrúiri su frutu ◊ in sa mata is nais funt santziendi ◊ su bentu est santzinendi is gurdonis 3. chi no sàntziant munera no dhui impérriant, me in su magasinu! Ètimu srd. Tradutziones Frantzesu balancer, secouer Ingresu to shake, to swing Ispagnolu balancear, sacudir Italianu dondolare, scuòtere Tedescu schaukeln, schütteln.