Legenda Incurtzaduras | Legenda Sìmbulos

abbrétiu , nm: abbrítiu, abrítiu, arvítziu Definitzione abbilesa, fortza, prus che àteru in su sensu de si pònnere a fàere, de no si ndhe asseliare de is cosas Sinònimos e contràrios abbríchiu, abreu / ardúriu, balia, bidória Frases sa sorte mi at dadu sos abbrítios de connòschere su bonu e su malu ◊ cussu no tenit abbrítiu nudha ◊ no est un'abbrítiu mannu a iscúdere unu pitzinnu! ◊ si unu cani atopat unu gatu, su primu abrítiu est de dh'afracai ◊ innanti de mòvere a su monte pigant s’arvítziu de fàiri unu pràngiu ◊ is macus non tenint s’abbrítiu de portai unu sodhu a domu Tradutziones Frantzesu capacité Ingresu ability, talent Ispagnolu habilidad Italianu capacità, ingégno Tedescu Geschicklichkeit, Geist.

addeléntu , nm Sinònimos e contràrios aembru, inginnu, talentu Frases issa fit ispantada dae s’addelentu de sos meres de domo in totu su chi faghiant Tradutziones Frantzesu esprit, talent Ingresu talent Ispagnolu genio, talento Italianu ingégno Tedescu Verstand.

ingínnu , nm Definitzione capacidade de fàere, de imbentare; cosa imbentada (e fintzes cosa chi si faet a ingannia); genia de ingestu chi si faet cun sa cara Sinònimos e contràrios addelentu, aembru, arxéntziu, ingéniu / imbentu, ingànniu / ingestu Frases a donniunu dh'iat donau unu tanti de dinai segundu s'inginnu suu 2. tui ses maistu de cogliunus e inginnus (F.Onnis)◊ mamma mia bona, ita est custu inginnu?! 3. sa cara tua ammostat unu dolori mannu: s'inginnu chi ti atrótiat iscóviat su chi serras in su coru Ètimu ctl. enginy Tradutziones Frantzesu esprit, talent, engin Ingresu talent, device Ispagnolu ingenio Italianu ingégno, ordigno Tedescu Begabung, Gerät.

taléntu , nm Definitzione capacidade, donu de natura, fintzes gana, volontade Sinònimos e contràrios abbiléncia, abbilesa, addelentu, capacidade, intiga Frases sas penas as connotu dae minore suendhe cun su late su talentu ◊ issu teniat unu talentu naturali mannu chi nemus s’iat a èssiri abetau in d-un'ómini aici ◊ Piras fut poete de altu talentu, cantadore de s'identidade sarda 2. su babbu no at àpiu talentu de gadhare su fizu pro su dannu chi aviat fatu Sambenados e Provèrbios prb: dinari e talentu no lu cues a su bisonzu Ètimu itl. Tradutziones Frantzesu talent, inclination Ingresu talent Ispagnolu talento Italianu talènto Tedescu Talent.

«« Torra a chircare