Legenda Incurtzaduras | Legenda Sìmbulos

camúrru , agt, nm: gamurru Definitzione ignorante, unu chi tenet unu fàere chi dirgustat Sinònimos e contràrios grosseri Frases fit un'ómine camurru, ma atrividu Terminologia iscientìfica ntl Tradutziones Frantzesu fruste, rude Ingresu rough and unpleasant person Ispagnolu grosero Italianu persóna rózza e antipàtica Tedescu ungehobelter und unsympathischer Mensch.

dènga , nf, nm: denghe, denghi, dengo, dengu Definitzione genia de vítziu, cosa chi si faet o chi si narat po acuntentare a tropu, o pigare cun tropu delicadesa, a unu; genia de calidade o de gustu chi si dhi agatat a una cosa de papare o de bufare, prus che àteru bistu coment'e difetu, o chi praghet pagu prus de àteru ma solu ca chie si dhu agatat est mendheosu (e a bortas podet èssere fintzes unu gustu bonu) Sinònimos e contràrios dengheria, imbérriu, imbímbinu, imbràmbulu, iscancériu, losinga, melindru, pacia, spiscíngiu / defeta, saboi, taltu Frases issa po denghi dhu naràt: Su pipiu, s'isposu, su pipiedhu miu! ◊ s'isgàngiat a arriri fendi denghi cun s'istràngiu ◊ no tengu totus cussus denghis de is sennoris ma gei mi apu a podi presentai! ◊ acabbamidha de pràngiri: su denghi chi portas mi at giai pigau a s'istògumu! ◊ bellu, candu ti primmas, sunt denghis de amanti! ◊ su cani, candu mi at biu, mi at fatu su dengu ◊ s'isposa est totu arrisus e dengus cun is cumbidaus ◊ tenes bisonzu de dengos prus de una creaduredha 2. custu binu tenet unu denghe: fossis bi lu at postu sa cuba ◊ a totu su chi assazat, isse li agatat carchi denghe! 3. isse faedhat su saligheresu cun su denghe de Bartzellona ◊ custu pische at unu bellu dengo ◊ sa nughe mi lassat unu bonu dengo un buca Ètimu spn. Tradutziones Frantzesu mignardise, goût Ingresu mincing ways, taste, unpleasant taste Ispagnolu dengue Italianu vézzo, moina, gusto sgradévole Tedescu Ziererei, übler Geschmack.

dilzeniàu , agt: disgeniadu Definitzione chi est chentza géniu o chi at una manera de fàere chentza géniu, chentza grabbu, chi no si faet bòllere bene Sinònimos e contràrios irzeniatu, ganamalosu, surrescu | ctr. garbosu, grasciosu, ispàsticu Tradutziones Frantzesu antipathique Ingresu unpleasant Ispagnolu antipático Italianu antipàtico Tedescu unsympatisch.

ganamalósu , agt, nm Definitzione chi o chie tenet una manera de fàere chi no si faet bòllere bene, no praghet, faet bènnere sa ganamala Sinònimos e contràrios dilzeniau, irzeniatu | ctr. ispàsticu, zeniosu Ètimu srd. Tradutziones Frantzesu antipathique Ingresu unpleasant Ispagnolu antipático Italianu antipàtico Tedescu unsympatisch.

irzeniàtu, irzeniàu , agt Definitzione chi est chentza géniu, chi no si faet istimare po sa manera pagu delicada chi tenet de fàere Sinònimos e contràrios burrincatzu, dilzeniau*, gavàciu, iltrudhadu, mabigrabbau, surrescu Terminologia iscientìfica ntl Tradutziones Frantzesu antipathique Ingresu unpleasant Ispagnolu antipático Italianu antipàtico Tedescu unsympatisch.

«« Torra a chircare