Legenda Incurtzaduras | Legenda Sìmbulos

acristianàdu , agt Definitzione chi tenet calidades de cristianu Sinònimos e contràrios bonu, sàbiu 2. acristianadu già ses, e bene, mih!… Ètimu spn. acristianado Tradutziones Frantzesu sage Ingresu wise Ispagnolu sensato, cuerdo Italianu sàvio Tedescu weise.

asciensciàre , vrb: assiensciare Definitzione andhare abbellu, fàere su sàbiu, crèschere de sabiore 2. est ómine asciensciadu e no che ispeldísciat su dinari Ètimu srd. Tradutziones Frantzesu sage Ingresu to be wise Ispagnolu ser sensato Italianu èssere sàvio Tedescu weise sein.

giudisciósu , agt: giudissiosu, giuditziosu, zudissiosu Definitzione chi giughet giudítziu, chi is cosas dhas cunsiderat e dhas faet cun cabu, bene, giustas, cun sabiesa, o fintzes po dhas cufrontare a una régula, a una lei Sinònimos e contràrios achistiadu, assentosu, atinadu, atoadu, cabosu, criteriosu, fundoriau | ctr. irzudissiadu, iscabiladu Frases su veru cantadori cantat cun espressionis giuditziosas ◊ balla, est unu bravu piciocu, trabballanti e giuditziosu: ita est, isposu puru? Terminologia iscientìfica ntl Ètimu itl. Tradutziones Frantzesu judicieux, sensé Ingresu wise Ispagnolu juicioso Italianu giudizióso Tedescu verständig.

sàbiu , agt, nm: sàpiu, sàviu Definitzione chi o chie cricat s'arrexone, pentzat e faet totu is cosas ischindhodhas e cun cunsideru, abbaidandho sèmpere su prus giustu, su méngius, su chi andhat bene po issu etotu e po àtere / sàpiu che abba (chentz'abba no si campat!) = sàbiu meda Sinònimos e contràrios acristianadu, assiensciadu, bonu, gusariosu, sabidore | ctr. locu, macu Frases fit fémina sàpia che abba ◊ s'ómine sàbiu istransit s'astru malu (G.Ruju)◊ su de ischire medire sa peràula est virtude primalza, ca sa peràula medida resultat piús sàbia (P.Pillonca)◊ chini ascurtat is fuedhus mius e dhus ponit in pràtica at a èssi símbili a un'ómini sàbiu chi at fraigau sa domu sua in sa roca (Ev) Sambenados e Provèrbios smb: Sabiu / prb: s'ómine sàbiu no chircat fatos anzenos ◊ sos macos imbolant, sos sàvios collint Tradutziones Frantzesu sage Ingresu wise, sage Ispagnolu sabio Italianu sàggio, sapiènte Tedescu weise, wissend, Weise.

«« Torra a chircare