Ditzionàriu in línia
de sa limba e de sa cultura sarda

acaudalàu , pps, agt Definitzione de acaudalai; nau de ccn., chi tenet cosa, interessu, chi istat bene Sinònimos e contràrios arricu | ctr. pòberu Tradutziones Frantzesu aisé Ingresu well-to-do (person) Ispagnolu acomodado, acaudalado Italianu benestante Tedescu wohlhabend.

bussànti , agt Definitzione chi tenet dinare Sinònimos e contràrios frionzanu, indinaridu, pillantzosu | ctr. bisongiosu, bisonzile, brísciu Frases cussu no fait su bussanti! Tradutziones Frantzesu aisé Ingresu well-off Ispagnolu acomodado Italianu abbiènte Tedescu wohlhabend, begütert.

cosínu , nm: cusinu, cussinu, gosinu Definitzione chie no bestit in costúmene, gente chi istat bene, errica, istat in bidha, est istudiada e at cambiau fintzes bestimentu, bestit de segnore Sinònimos e contràrios geo 1 Frases incravatau, in bestes de cusinu, non zuches su cherbedhu sudorau ◊ tristu chie si arrambat a cusinu! ◊ lu mutiant "sennore" comente a sos bonos cussinos ◊ no ndhe as a cherrer fàchere unu cusinu irbaliau, de fizu tuo, no?! Sambenados e Provèrbios smb: Cosinu, Cusino, Cusinu Ètimu ctl. cusí Tradutziones Frantzesu riche, gentleman Ingresu gentleman Ispagnolu acomodado Italianu signóre Tedescu Herr.

pillantzósu , agt Definitzione chi portat o tenet dinare meda Sinònimos e contràrios apillantzau, addinaradu, bussanti, indinaridu | ctr. ispiantadu Tradutziones Frantzesu aisé Ingresu well-off, well-to-do Ispagnolu acomodado Italianu abbiènte Tedescu wohlhabend, begütert.