Ditzionàriu in línia
de sa limba e de sa cultura sarda

aciuntúra , nf: agiantura, agiuntura, atzuntura, azuntura, giuntura, zuntura Definitzione su aciúnghere, su pònnere impare duas cosas a manera de ndhe fàere una ebbia; tretu inue una cosa est o paret aciunta (in sa carena, totu is annoigadòrgios), su singiale de comente dh'ant aciunta; sa parte aciunta; fintzes sa cosa aciunta, sa de prus Sinònimos e contràrios agiuntadura, annaghidura, annantura / annodricadorju, annuadórgiu, arte 1, innoigadórgiu, nigradroxu Frases cust'aciuntura est mali fata ◊ los aiat apitzicatos goi vene chi non si latiat mancu sa taca de s’agiantura 2. s'agiuntura de sos benujos, de sos pes, de sos pódhighes 3. sa nura est aciuntura, in sa parentalla Terminologia iscientìfica crn Ètimu srd. Tradutziones Frantzesu articulation Ingresu joint Ispagnolu juntura, articulación Italianu giuntura, articolazióne Tedescu Verbindung, Gelenk.

annaghidúra , nf: annanghidura Definitzione su pònnere o acapiare totu impare, una cosa cun s'àtera; parte de su corpus inue un’arremu, un'ossu, faet giogu cun s'àteru Sinònimos e contràrios aciuntura, agiuntadura, annantura, annodricadorju, annuadórgiu, arte 1, atacadura, nigradroxu Terminologia iscientìfica crn Ètimu srd. Tradutziones Frantzesu jointure Ingresu link Ispagnolu juntura, articulación Italianu giuntura, congiunzióne Tedescu Verbindung.

annodricadórju , nm: annoicratógliu, annogradorzu, annoigadórgiu, annoigadorzu, annoxadorzu, annugradorzu, annuigadroxu Definitzione aciuntura de arremos in sa carena, su tretu ue faent giogu, si movent Sinònimos e contràrios agiuntadura, annaghidura, annaigadorzu, annantura, annuadórgiu, arte 1, innoigadórgiu, irdannuadórgiu, nigradroxu Frases sa timoria incarrerada dhi fait benni sa tremualla a is annuigadroxus Terminologia iscientìfica crn Ètimu srd. Tradutziones Frantzesu articulation Ingresu articulation Ispagnolu articulación Italianu articolazióne delle òssa Tedescu Knochengelenk.

annuadórgiu, annuadróxu , nm: nuadroxu Definitzione cosa fata a nodu, coment'e a nodu, su tretu de su nodu o ue duas cosas intradas apare faent giogu, nau mescamente a is aciunturas de is arremos de sa carena Sinònimos e contràrios aciuntura, annaghidura, annodricadorju, arte 1, innodricadorju, nigradroxu Terminologia iscientìfica crn Ètimu srd. Tradutziones Frantzesu articulation Ingresu joint Ispagnolu articulación Italianu snodatura, articolazióne Tedescu Anknüpfung, Gelenk.

àrte 1 , nf: arti 1, artu 1 Definitzione tretu de sa carena ue faent giogu duos arremos o diferentes partes de unu matessi arremu Sinònimos e contràrios aciuntura, annaghidura, annantura, annodricadorju, annuadórgiu, innodricadorju, innoigadórgiu, nigradroxu Frases zughet sas artes acadhadas, incuadhigadas ◊ cussus aderessant is néscias e torrant a postu is artis ◊ portàt sa carri istraciada e dogn'arti ispollada!◊ dhi ant arrogau artis e venas Terminologia iscientìfica crn Ètimu ltn. artus Tradutziones Frantzesu articulation Ingresu articulation Ispagnolu articulación Italianu articolazióne Tedescu Gelenk.

cantèlza , nf, nm: canterza, cantérgiu, canterju, canterzu, cantrexu, cantrixu Definitzione in sa conca, su tretu de is trempas apresu de s'origa, ue dhu'est s'annoigadórgiu de is duas barras, ma nau fintzes po sa barra de fundhu e po trempa puru, comente po s'annoigadórgiu etotu; bículu, orrugu Sinònimos e contràrios barra, iscanterzu, tempra, càvana 1 / cantu Maneras de nàrrere csn: culatzu de canterju = su bóidu de sa buca in fundhu; mantènnere su canterju a unu = parai faci a unu; canterja de cantzellu = canterjale; canterzu de sa domo = trempali, istantarile de sas zannas Frases Taresa no críticat su grodhe gafu, però a ciafu li faghet su canterzu fioridu! ◊ tundhu su pane, tundhu su furru e tundha sa coda de sa mama, su ballu sardu e sos canterjos de sos pitzinnos ◊ candu su pipiu at afortiau a cantrexus si dhi podit donai cosa prus tostada a papai ◊ depes porrire s'àteru canterju pro un'àtera iscavanada? 2. totu a unu cantrexu, una mustela de procu in sa cardiga fritiedhat in su fogu ◊ sa Sardigna dh'ant ispartzida in cantrexus e donada a genti istràngia 3. sa gatu fit supra de sas canterjas de su cantzellu Sambenados e Provèrbios prb: arrisu malu cantrixu trotu Terminologia iscientìfica crn Ètimu ltn. cant(h)erius Tradutziones Frantzesu articulation temporale-mandibulaire, mâchoire, joue Ingresu jaw, cheek Ispagnolu articulación temporal- mandibular, mandíbula, mejilla Italianu articolazióne tèmporo-mandibolare, mascèlla, guància Tedescu Kiefer, Wange.

innoigadórgiu , nm: innojadorzu, innojadozu, innujadolzu, innuxadolzu, irnuadórgiu Definitzione in sa carena, aciuntura, incàsciu, tretu inue duos arremos faent giogu (sos i. de su cambutzu, de su brutzu, de su cuidu e gai) Sinònimos e contràrios aciuntura, annaghidura, annantura, annodricadorju, annuadórgiu, arte 1, innodricadorju, nigradroxu Ètimu srd. Tradutziones Frantzesu articulation Ingresu articulation Ispagnolu articulación Italianu articolazióne Tedescu Gelenk.

nògia , nf: noja, núcia, nuja, núgia Definitzione genia de nodu comente benint apare duos arremos de ossu, su tretu ue faent giogu, fintzes aciuntura de àteru (es. istrégiu) Sinònimos e contràrios agiuntadura, annaghidura, annantura, annuadórgiu, innoigadórgiu, nigradoxu Frases che li mintiat sa manu dae sa nuja in susu, tochendhe sa fémina ◊ si assuabbaiat sa farina e cun sos punzos, cun sas nujas, si abbatigaiat e si ammisciaiat ◊ li dolent sas nujas de sos benugros 2. sa cuba s'est tzocada in sas nojas Terminologia iscientìfica crn Ètimu srd. Tradutziones Frantzesu jointure, nœud Ingresu knuckle, jiont Ispagnolu articulación, juntura Italianu giuntura, nòcca Tedescu Gelenk, Knöchel.