Ditzionàriu in línia
de sa limba e de sa cultura sarda

àmbulu , nm Definitzione sa capacidade o fortza de andhare; su movimentu de su brasciolu dormindho su pipiu; s'incannada po brinchidare Sinònimos e contràrios passu / bantzicadura, nannicadorju Frases esso a mi chilcare trabàgliu, ca so ancora in edade e s'àmbulu no mi mancat ◊ cussu est cadhu chi tenet àmbulu ◊ su pitzinnu, a nitzuledhu, fit sighindhe s'àmbulu de su brassolu candho sa mama lu fit ninnendhe ◊ mancari triziledha comente paret at s'àmbulu bellu de trabagliare Ètimu srd. Tradutziones Frantzesu action de marcher, balancement Ingresu walking ability, rocking Ispagnolu ambulación, balanceo Italianu capacità di camminare, dondolìo Tedescu Fähigkeit zu laufen, Geschaukel.

bantzicàda , nf: bantzigada Definitzione su bantzigare Sinònimos e contràrios chilliata, móida, ninniada, tocadedha, tzintziricada Frases a ndhe li cheret de bantzigadas pro che la drommire, cussa criadura!…◊ no ndhe cheret si no sa bantzigada!… Ètimu srd. Tradutziones Frantzesu bercement Ingresu rock Ispagnolu balanceo Italianu cullata Tedescu Wiegen.

bantzicadúra , nf Definitzione su bantzicare, su mòvere chi faet su bàntzicu, su brasciolu Sinònimos e contràrios achinnadura, bantzigamentu, bantzigonzu, intzàntzinu, nannicadorju, santziadura, santziamentu, tzànnigu, tzuculuntzàina Ètimu srd. Tradutziones Frantzesu bercement Ingresu rocking Ispagnolu balanceo Italianu dondolìo Tedescu Wiegen.

nannicadórju , nm Definitzione su nannigare, su pigare a su tzàntziga tzàntziga, movendho de una parte a s'àtera Sinònimos e contràrios bantzicadura, intzàntzinu, nanniconzu, santziadura, santziamentu, tzànnigu, tzuculuntzàina Frases Mallena fit pilisada dae su nannicadorju de su cabadhu Ètimu srd. Tradutziones Frantzesu balancement continuel Ingresu swinging Ispagnolu balanceo Italianu dóndolo, dondolìo Tedescu Schaukeln.

tzàntzigu , nm Definitzione su bantzigare Sinònimos e contràrios intzàntzinu, nànniga, santziamentu Frases s'ajaja at apaigadu su nebode a tzàntzigos, leadu in coa Ètimu srd. Tradutziones Frantzesu balancement Ingresu swinging Ispagnolu balanceo, oscilación Italianu dondolaménto, oscillazióne Tedescu Schwanken.