Legenda Incurtzaduras | Legenda Sìmbulos

bómbina , nf Definitzione (nughe bómbina) genia de mata chi faet coment'e una castàngia, marigosa o de Índias Terminologia iscientìfica mt, aesculus hippocastanum Tradutziones Frantzesu marronnier d'Inde Ingresu horse-chestnut (tree) Ispagnolu castaño de Indias Italianu ippocastano Tedescu Roßkastanie.

castàgna , nf: castàngia, castanza Definitzione mata chi faet manna, bona po linna de òpera; su frutu chi faet; in cobertantza, fàula manna, cosa de no crèdere; su pl. aina po anedhare o allorigare is pilos / a/c. sa castàngia (upm) = su frutu; is/sas castàngias/ castanzas = is matas de castàngia (o is fàulas); castangedhu = castanza minuda / is partes de fora de sa castàngia: su scriscioni o raga, su croxu, su pilloncu; castanza morisca, gionisca = sa chi bendhent in butega sica e neta, ispuligada; castagna de coa, a iscàvulu = ispigadura, sa chi si podet buscare a úrtimos (a chie ndhe cheret) apustis fata s'arregorta; sa castàngia bícia = ungone, calia; castanza rànchia = bómbina (Aesculus hippocastanum) Sinònimos e contràrios càrigas, fàula Maneras de nàrrere csn: colore de castanza = colori iscuriosu, coment'e de castàngia lómpia; bèndiri, prantare, nàrrere castàngias = nàrrere fàulas o contai mincídius; terra a matza de castàngia = de bonu farigu, de bona muta pro l'arare, isorta che farina; portai castàngia a Aritzu = zúghereche s'abba a mare, fàghere cosa chi no serbit, pistai àcua; spiciai sa castàngia = fàghere una trapada a sa corza, pro la còghere Frases de castanza faghent càssias, tazeris, pistalardos, mobbília ◊ sas castanzas ocannu sunt bellas barriadas ◊ is castagnas nostas funt sicannosinne 2. làndiri a fàmini castàngia parit ◊ suta de sas àrbures bi est sa castanza a cortina ◊ faghimus sa festa de sa castanza ◊ sa castàngia po dha fai arrustia tocat a dha ispitzulai, po no tzacai ◊ istrampandho sa castagna su sacu as segau ◊ ocanno dhue at castagna meda Sambenados e Provèrbios smb: Castangia Terminologia iscientìfica mtm, frt, castanea sativa Ètimu ltn. castanea Tradutziones Frantzesu châtaignier, châtaigne Ingresu chesnut Ispagnolu castaño, castaña Italianu castagno, castagna Tedescu Kastanienbaum, Kastanie.

castàngiu , agt: castanzu Definitzione chi est in colore de castàngia (candho est lómpia), nau prus che àteru de intina de animale Sinònimos e contràrios castanzinu Frases teniat un'achetu castanzu ◊ zughiat ojos castanzos, de una bellesa rara ◊ su diàulu ti ndhe let, ebba castanza: ello pro custu ti ses arestada?! Terminologia iscientìfica clr Tradutziones Frantzesu châtain Ingresu nut-brown Ispagnolu castaño Italianu castano Tedescu braun.

marròne 1 , nm Definitzione colore de castàngia Frases sas iscarpitas fines de pedhe, marrones Terminologia iscientìfica clr Tradutziones Frantzesu marron Ingresu brown Ispagnolu marrón, castaño Italianu marróne Tedescu Kastanienbraun, Braun.

«« Torra a chircare