abbrédhulu , nm Definitzione
ccn. cosa po giogare
Sinònimos e contràrios
belloi,
bibbirollai,
brebbeilledhu,
ciogu,
gioghitu,
stentalogu
Tradutziones
Frantzesu
joujou
Ingresu
knick-knack,
toy
Ispagnolu
juguete
Italianu
nìnnolo,
giocàttolo
Tedescu
Spielzeug.
belléi , nm Definitzione
cosa bella, cosa a giogare, cosighedha de pònnere o de apicare in dossu po pàrrere prus bellos
Sinònimos e contràrios
apicàglia,
bebbelledhu,
belleu,
giogu,
zínzili
Frases
sa pitzinna fit su bellei de totugantos ◊ custus funt is belleis de unu pratu segau
2.
chin belleis e profumos e macas fantasias printzipessa ti creias
Sambenados e Provèrbios
smb:
Bellé, Bellei
Ètimu
srd.
Tradutziones
Frantzesu
joujou,
fard
Ingresu
knick-knack,
cosmetic
Ispagnolu
juguete
Italianu
giocàttolo,
bellétto
Tedescu
Spielzeug,
Schmuck.
gioghítu , nm: zochitu Definitzione
min. de giogu, cosighedha po istare giogandho o chi si leat po giogu
Sinònimos e contràrios
abbrédhulu,
ciogu
Tradutziones
Frantzesu
jouet
Ingresu
play-thing
Ispagnolu
juguete
Italianu
balòcco
Tedescu
Spielzeug.
giógu , nm: ciogu,
zocu Definitzione
cosa chi si faet po passare ora, po gustu, divertimentu, po istràviu e, in cobertantza, fintzes àteru in css. sensu; cosa po giogare; cosa fàcile, bona a fàere, chi praghet; cosa mala chi leat a unu coment'e a trassa, fintzes su dillíriu de sa callentura, genia de illuinamentu / min. gioghitu, gioghitedhu; genias de giogu: tzacamanedha, serra serra, custu est su procu, durudduru, a cuadhu a cuadhu, babbajola babbajola, a mammacua, sedatzedhu, cavaglieri in porta, a gatu tzurpa, a gruxis e crastus
Sinònimos e contràrios
abbentu 1
/
abbrédhulu,
bellei,
ischértiu,
ispetàculu
/
brulla
/
spàssiu
| ctr.
trabàgiu
Maneras de nàrrere
csn:
giogu de fuedhus, de manus = zogu cantu de fàghere a ríere, fàghere ispetàculu; unu giogu de tzícheras = una tuzina de tzícheras; unu giogu de ogus = duos ogros
Frases
custu pipiu est totu pigau de su giogu ◊ is giogus dhus imbentant is pipius etotu ◊ in iscola de giogos ndh'aus a fàere? ◊ is cumpàngias si atopant po fari giogos e passari is festas
2.
nannai ti còmporat unu gioghitu! ◊ su pipiu, de bona índula, passàt de unu a s'àturu coment'e unu gioghitu ◊ tiu Bustianu fut ammungiau po aprontare a su piciochedhu is giogos chi serbiant po chida santa
3.
sa vida mi pariat unu giogu: aia apena giómpidu sos vint'annos!
4.
arratza de giogu chi dhi at fatu sa callentura, a su pipiu! ◊ lah ca su binu ti fait giogu malu, a tui! ◊ pustis fatu su giogu, at fatu noi mesis de maladia…, cussa picioca
Sambenados e Provèrbios
prb:
chie no bàjulat brullas no intret in giogu!
Ètimu
ltn.
jocus
Tradutziones
Frantzesu
jeu,
jouet
Ingresu
play,
toy
Ispagnolu
juego,
juguete
Italianu
giòco,
giocàttolo
Tedescu
Spiel,
Spielzeug.
zócu , nm: ciogu,
giogu*,
zogu Definitzione
cosa chi si faet po passare ora, po gustu, po ispàssiu; cosa po giogare; cosa fàcile, bella a fàere / genias de giogu: a lantziamuru, a pramma in terra, a pramma a muru, a s'imbréstia, a pilí-pilò, a s'in gallita, a bacheta andhendhe, a s'imbusciconademilu, a s'iscabbu, a unolamonta, a su ciafu; genias de giogos (cosas po giogare): bíere totu is ggs.
Sinònimos e contràrios
abbentu 1
/
abbrédhulu,
bellei,
ischértiu,
ispetàculu
/
brulla
Maneras de nàrrere
csn:
leare sa cosa a zogu = pigai sa cosa sentza de seriedadi, coment'e chi siat de giogai; zúghere sa conca leada o manigada dae su zogu = pentzai a giogai isceti; fàghere bàtoro de zogu (zoghendhe a iscoba)= totu sos puntos, foras sas iscobas (lillu, primera, oros e cartas); zogu zogu, pódhighe in s'ogu = zoga zoghendhe s'ogru boghendhe, ca nachi est brullendhe ma ofendhet etotu!
Frases
sos pisedhos no ndhe zughent de imprastu: pessant a su zogu! ◊ sos pisedhos istant sempre ordiminzendhe zogos ◊ su zogu piaghet fintzas a sos mannos, balla!
2.
una cosa gai no mi est colada in conca mancu a zocu
3.
su pisedhu si los faghet isse etotu sos zogos ◊ a su pitzinnu li ant batidu unu zogu
4.
assustrat una cosa chi no s'ischit fàchere, ma cumintzau chi apamus est unu zocu
5.
si no abberit a crae, custu friscu, li faghimus unu zogu
Tradutziones
Frantzesu
jeu,
jouet
Ingresu
play,
toy
Ispagnolu
juego,
juguete
Italianu
giòco,
giocàttolo
Tedescu
Spiel,
Spielzeug.