Legenda Incurtzaduras | Legenda Sìmbulos

alzenína , nf: arzinina Definitzione sa coa de s'argiola, granu de trigu aortitzu, minudedhu; is granos de trigu orruinau ammesturau a pedrighedha chi si ndhe sèberat candho su trigu dhu faent in chiliru po dhu chistire límpiu Sinònimos e contràrios arenúgiu, cerfa, coale, coamaderzu, coalina, coana, coatzu, culischedhu, enina, genina, ghinina, ischivozu, pealinu Frases bennasu de peràulas, nàrami chie cantat candho agabbas sas istajones in sas alzolas mannas de arzinina! (C.De Martis)◊ cussu fit cantadore de arzininas mortas Tradutziones Frantzesu grenaille Ingresu refuse Ispagnolu mondadura Italianu mondìglia Tedescu Spreu.

ispuligadúra , nf Definitzione su ispuligare; su corgioledhu chi si ndhe segat a lepedha, a gurtedhu, mescamente a is cosas de papare (es. patata, pira), ma fintzes de àteru, illimpiandhodhas Sinònimos e contràrios colzola, iscortza, pidhoncu, pigiolu, scroxu / innetadura, ispigioladura Ètimu srd. Tradutziones Frantzesu épluchement Ingresu peeling Ispagnolu peladura, mondadura Italianu sbucciatura Tedescu Abschälen.

prugadúra , nf: purgadura Definitzione su prugare calecuna cosa, mescamente is laores innanti de dhos mòlere o de dhos còere; sa malesa o brutesa chi si ndhe bogat prugandho: foedhandho de su frutu de is matas, cussu guastu o difetosu chi ndhe lassant orrúere chentza lòmpere Sinònimos e contràrios purgamentu / alzenina, culischedhu, genina, ghinina, ischivozu, musina Frases sas féminas ant fatu sa purgadura de su trigu pro sa cota Ètimu srd. Tradutziones Frantzesu nettoyage, émondage Ingresu cleaning Ispagnolu mondadura, monda Italianu mondatura Tedescu Reinigung, Säuberung.

zenína , nf: genina*, zinina Definitzione sa coa o coígiu de s'argiola, granu de trigu aortitzu, mortu, pitichedhu; is granos de trigu guastos de maladia ammesturaos a pedrighedha chi si ndhe sèberant candho su trigu dhu faent in chiliru po dhu chistire límpiu Sinònimos e contràrios alzenina, cerfa, coale, coamaderzu, coana, culischedhu, enina, ghinina, ischivozu Frases betamus sas zeninas a sas pudhas ◊ apenas faghes débbile un'otina, ca ses de sos poetas sa zenina! ◊ custu ranu est zenina mísciu a paza ◊ una frommixa lu giughet a mossu che ranu de zenina! Tradutziones Frantzesu grenaille Ingresu chaff Ispagnolu mondadura Italianu mondìglia Tedescu Spreu.

«« Torra a chircare