Legenda Incurtzaduras | Legenda Sìmbulos

acabbadòre , agt, nm Definitzione chi o chie che agabbat su malàidu Sinònimos e contràrios bochidore Frases a su nàrrere, s'acabbadora fit una fémina chi atogaiat sos moribbundhos, che los agabbaiat Ètimu srd. Tradutziones Frantzesu celui qui provoque la mort par euthanasie Ingresu who practises euthanasia Ispagnolu quien practica la eutanasia Italianu chi pratica l'eutanasia Tedescu Sterbehelfer.

mestiéri , nm Definitzione abbilesa, capacidade pràtiga de fàere bene calecunu trebballu Sinònimos e contràrios alte Frases isculta sos consizos e impita su mestieri chi tenes in manu ◊ s'ómine cantadore 'e mestieri, narat su díciu, morit pedidore! (Còntene)◊ iat provau totu is mistieris e no ndi dh'iat pràgiu mancunu Tradutziones Frantzesu mêtier Ingresu job Ispagnolu experiencia, práctica Italianu mestière Tedescu Fertigkeit, Geschicklichkeit.

pratichèsa , nf: pratighesa Definitzione su s'ischire manigiare bene faendho calecuna cosa po dh'àere fata àteras bortas, ca si connoschet bene, po dha tènnere a parusu Sinònimos e contràrios ttrs. pratighétzia Frases cun sos zóculos no at leadu ancora pratighesa a caminare in faladorza ◊ a fàghere fainas gai bi cheret pratighesa: no est a ischire duas o tres cosighedhas, no! ◊ no est nudha si unu est in betzesa, ca za si salvat cun sa pratighesa! (Màsala) 2. fatas a sa lestra custas letziones, falau est a pratichesas Ètimu srd. Tradutziones Frantzesu expérience Ingresu experience Ispagnolu práctica, experiencia, destreza Italianu pràtica Tedescu Praxis.

«« Torra a chircare