Legenda Incurtzaduras | Legenda Sìmbulos

apostaméntu , nm Definitzione su si apostare Sinònimos e contràrios apostada Tradutziones Frantzesu guet Ingresu ambush Ispagnolu acecho Italianu appostaménto, imboscata Tedescu Hinterhalt.

impostadúra , nf Definitzione su impostare; su pònnere cosa de una manera o in calecunu logu o tretu coment'e aprontandho o cumenciandho una faina, unu trebballu; su si pònnere o istare in sa posta, in calecunu logu coment'e ibertandho e iscocandho po pòdere essire e giare a pitzu a ccn. o a calecuna cosa de un'improntu, a s'ingrundha Sinònimos e contràrios impostamentu 3. su zòvanu fit gai àbbile chi resessiat a tènnere sos murones a impostadura, a manos Ètimu srd. Tradutziones Frantzesu organisation, mise en train, guet Ingresu statement, ambush Ispagnolu planteamiento, acecho Italianu impostazióne, appostaménto Tedescu Anlegen, Hinterhalt.

obrétu , nm: olivetu, orivetu, orovetu, orveti, orvetu, ovretu Definitzione su istare iscocandho, abbaidandho a bíere, leandho oru de ccn. o de calecuna cosa (si narat mescamente de is cassadores chi ibertant sa fera); orivetu est fintzes órulu de orrobba Sinònimos e contràrios abbalestra, oretu, serva / orizu, orrollu Frases fint che duos canes a ovretu ◊ s'armada sarda fit bene arguida che tantos cassadores a orvetu candho ispetant sa fera a tzertu tretu (R.Congiu)◊ no si bient, però sunt sèmpere a orbetu ◊ furint sèmpere a ovretu candho che iat isposu nou Ètimu srd. Tradutziones Frantzesu guet Ingresu cover Ispagnolu acecho Italianu appostaménto Tedescu Ansitz.

orétu , nm: orietu Definitzione su istare a iscoca, abbaidandho a bíere, leandho oru de ccn. o de calecuna cosa (si narat mescamente de is cassadores chi ibertant sa fera, apostaos), de chie ibertat a ccn. Sinònimos e contràrios abbalestra, obretu*, scoca, serva Maneras de nàrrere csn: istare o èssere a o. = oretendhe, abbaidendhe; pònnere s'oretu a unu = zúgherelu a ogru; pònnere a ccn. in orietu = avertire chi istet atentu, a oretu; cassa de oretu = sa chi si faghet apostados isetendhe chi essat o colet sa fera, chi benzat a s'abba, a sa pastura Frases astore malaitu, t'isto a oretu finas chi inoghe che lassas pumas e bicu! ◊ est istadu a oretu tota die, ma neune che li at furadu nudha Tradutziones Frantzesu guet Ingresu emplacement, secret watching Ispagnolu acecho Italianu appostaménto, spiaménto Tedescu Aufstellung, Ansitz

pòsta 1 , nf Definitzione genia de castióngiu, su istare firmos a iscoca chi si faet in cassa o in crica de bíere animale o àteru; logu inue si ponet unu abbaidandho, iscocandho; chie si ponet a iscocare Sinònimos e contràrios balesta, impostadura, impostu / punteradorju Frases tzertas boltas deviat fàghere sa posta longa e recuiat a domo a oras minudas 2. bàtoro sunt armados de fusile, in sa posta già bene preparados (G.Contieri)◊ su leone andhat e leat sa posta ue soliat essire sa fera 3. si est chi la cheres tènnere guardada, pone sas postas in dogni camminu ◊ sas postas torrant a impostare, sas truvas mintent sos canes e… millu su sirvone pesadu! Ètimu srd. Tradutziones Frantzesu guet Ingresu ambush, cover, emplacepemnt Ispagnolu acecho Italianu appostaménto, agguato Tedescu Ansitz.

«« Torra a chircare