Ditzionàriu in línia
de sa limba e de sa cultura sarda

fàniga , nf: fànua, fànuga, fànuva, fàona, fàuna, vànuva Definitzione genia de ammontu de istràciu, téssiu cun cotone e fitas de àtera orrobba de dónnia colore (trastos bècios segaos a tiras); genia de ammontu grussu Sinònimos e contràrios fàmuna, frassada, manta / cdh. ànua / ammontu, coguzu Frases arratirandi sa fàniga e is lantzorus puru! ◊ padrina mi at arregalau una fànuga de villudu candu mi seu cojada ◊ no tenimus fàunas de incarrazu ◊ a su letu meu bi beto una fàuna de bàtoro impostas ◊ cantu fint modhes sas fàonas chi l'ammuntaiant!… Terminologia iscientìfica ts Ètimu ctl. vànova Tradutziones Frantzesu couvre-lit, édredon Ingresu quilt, bedspread Ispagnolu cubrecama (m), colcha, cubierta gruesa Italianu coprilètto, piumóne Tedescu Tagesdecke, Federbett, Plumeau, Daunendecke.

mànta , nf: ammanta, màntua Definitzione ammontu prus che àteru lébiu, de pònnere a pígiu de pitzu in su letu, in pitzu de s'àteru ammontu; su pilu (e colore) de un'animale Sinònimos e contràrios coce / bentina, intinnu Frases sa manta chi zuchio a cuzicura dae su letu mi ndhe ant istratzadu ◊ at pigau sa manta de su letu e dh’at ghetada in palas de su béciu ◊ su pipiu in su letu s’acugúciat asuta de is mantas po iscadhiai su perígulu Sambenados e Provèrbios smb: Manta Terminologia iscientìfica ts Ètimu ctl., spn. manta Tradutziones Frantzesu couvre-lit Ingresu bedcover Ispagnolu colcha, capa Italianu coprilètto Tedescu Tagesdecke.