desessídu , agt: dessessidu Definitzione chi no est in se, chi est fora de se, macu deunudotu Sinònimos e contràrios afoglietadu, ammachiau, dischissiau, disvariadu, ilvariadu, irresessidu | ctr. giustu, sàbiu Frases sunt mentes desessidas e illusas, ànimas sentza Deu e concas busas ◊ calchi bolta est calculadu coment'e foras de isse, desessidu ◊ discurres cun sa mente desessida: no bides chi ses narzendhe machines?! Tradutziones Frantzesu forcené Ingresu mad Ispagnolu desatinado Italianu forsennato Tedescu rasend.

dischissiàu , pps, agt Definitzione de dischissiare; chi est fora de se, chi est macu deunudotu, chi no est giustu de conca Sinònimos e contràrios afoglietadu, desessidu, disvariadu, ilgiradu, ilvariadu, iscassatu, issentidu, meningitanu 2. sa zente paret dischissiada andhandhe e torrandhe in màchina chene ischire a ube ◊ ma ite as fatu a la bochire, dischissiadu chi no ses àteru?! Tradutziones Frantzesu forcené Ingresu mad Ispagnolu desquiciado Italianu forsennato, demènte Tedescu verrückt.

issentídu , pps, agt: issentiu Definitzione de issentire; chi at pérdiu su sentidu, s'atuamentu, chi no arrexonat prus, ammachiau Sinònimos e contràrios dischissiau, ilgiradu, ilvariadu 2. sa traconarza irfoetaiat che issentida sas pacas piantas ◊ candho est torrau at acatau sa sorre irmentia e issentia ◊ foras de sa zanna, ispetendhe, pariat un'issentidu ◊ sa fantasia est iscurosa finas in sa lughe, peus e peus si unu est issentidu! ◊ si est fuidu a brincos che un'issentidu Tradutziones Frantzesu forcené Ingresu raving Ispagnolu delirante Italianu delirante, forsennato Tedescu irreredend, verrückt.

«« Torra a chircare