Legenda Incurtzaduras | Legenda Sìmbulos

aprèsse, aprèssi , avb Definitzione a presse: de innoghe a pagu, chentza istentare Sinònimos e contràrios lueco Frases custa cosa cheret fata apresse, ca sinono si che andhat male ◊ apressi nos eus a biri Ètimu srd. Tradutziones Frantzesu bientôt Ingresu very soon Ispagnolu pronto, enseguida Italianu fra pòco, prèsto Tedescu bald.

barigàdu , pps, nm, avb: barigau Definitzione de barigare; sa die apustis de pustigràs o fintzes sa die apustis de cras: 1. oe, 2. cras, 3. pusticràs, 4. barigadu, o, in àteru logu: 1. oe, 2. cras, 3. barigadu Sinònimos e contràrios abbarigau, imbarigadu / colau, passadu Frases su mastru in sa vida ndhe aiat bidu e barigadu de onzi colore ◊ isse si ammandroneit, ch'est barigadu su tempus e abbarradu est chena patente e como est betzu pro cosas gai 2. oe cantos de gioja e de amore, boghes cras de miséria e dolore e barigadu in d-unu muntonalzu! (A.Casula)◊ nos amos a bíere barigadu, candho torro ◊ oe est carrasegare, cras est barantinu e barigadu est Pasca… Terminologia iscientìfica tpc Ètimu srd. Tradutziones Frantzesu après-demain Ingresu in three days Ispagnolu dentro de tres días Italianu fra tre giórni Tedescu in drei Tagen.

fràe , prep Definitzione foedhu po inditare su èssere o istare de prus a mancu a mesania, in mesu de àteras duas cosas o duos tretos Sinònimos e contràrios inter, trae 1 Frases sunt abbarraos suspesos frae terra e chelu Tradutziones Frantzesu entre Ingresu between, among Ispagnolu entre Italianu fra Tedescu zwischen+Dat., unter+Dat.

ínter , prep: intre Definitzione aintru o in mesu de: prep. chi faet a cumprèndhere comente calecuna cosa o ccn. est in mesu de àteras duas, in relatzione s’una cun s’àtera, impreada fintzes coment’e prefissu po cumpònnere àteros foedhos Sinònimos e contràrios intra, tra Maneras de nàrrere csn: inter pare = intrepare, tra unu e àteru, s'unu cun s'àteru; intre mesu (intramesu) de… = in mesu; èssiri intre billa e sonnu = a su dromm'ischida Frases passat su bentu inter sas rocas ◊ sos coros s'istimant inter pare ◊ amus sempre mantesu s'afetu inter pare ◊ mi as a iscoberri acuau intr'e is fuedhus (V.Pisanu)◊ fint inter pare totas chimbe e totuna passione ◊ intre is àterus nci fiant issus puru ◊ intre is cortinedhas obertas biriat is opinus ◊ intre issos bi at un'istranzu Ètimu ltn. inter Tradutziones Frantzesu entre Ingresu between, among Ispagnolu entre Italianu fra, tra Tedescu zwischen.

«« Torra a chircare