Ditzionàriu in línia
de sa limba e de sa cultura sarda

provísta , nf Definitzione totugantu su chi podet serbire postu abbandha giustu ca podet serbire in calecunu tempus o necessidade: si narat prus che àteru de cosas de papare Sinònimos e contràrios achipàgiu, recatu / cdh. pruista, ttrs. prubista Frases ocannu cullies una bella provista de trídicu ◊ chin su porcu tenent sas provistas totu s'annu: lardu, sartitza, óssica ◊ sa frommiga carruzat ranu collindhe sa provista a sa tana ◊ e a ite ti comporaias totu custu? ndh'as fatu provista!◊ si trabagliaiant che àteras bortas, sas provistas tenimis a muntones! Tradutziones Frantzesu provision Ingresu supply Ispagnolu provisión Italianu provvista Tedescu Vorrat.

recàtu , nm: arracatu, errecatu, ricatu Definitzione provistedha de cosas de papare: pane, pasta, ingaúngiu, alegúmenes, e àteru, o fintzes erba, pàsculu (foedhandho de bestiàmene); totu su necessàriu po fàere una cosa (cosire unu bestire, iscríere) Sinònimos e contràrios bustu, màndhicu, mucitura, papai 1, pàsculu / arrecàpidu Frases nues de espe e musca si sunt gherrendhe su recatu ◊ pònemi su recatu pro una chida, ca intro a robba! ◊ dogni astore est in chirca de recatu ◊ fut pastore chentza terra po recatu ◊ cun su ricatu in buca est mortu de su fàmine! Ètimu spn. recato Tradutziones Frantzesu nourriture, provision Ingresu food, supply Ispagnolu comida Italianu cibo, provvista Tedescu Kost, Vorrat.