Ditzionàriu in línia
de sa limba e de sa cultura sarda

istàgnu , nm: istàngiu, istàniu, istanzu, stàngiu Definitzione elementu chímicu de símbulu Sn, númeru atómicu 50 e pesu atómicu 118,7: genia de metallu de colore biancàciu, modhe, chi iscàgiat a temperadura bàscia, bonu mescamente po dh'ammesturare (es. cun s'arràmene faet su brunzu) o po carragiare àteros metallos po dhos amparare de si ossidare Frases bi aiat una bolta vintichimbe soldadedhos de istagnu Terminologia iscientìfica mtl Tradutziones Frantzesu étain Ingresu tin Ispagnolu estaño Italianu stagno Tedescu Zinn.

stàgnu , nm: istagnu* 1, stàini, stàinu, stàngiu 1, stàniu, stànniu Definitzione abba abbarrada: tretu de mare, de abba bàscia, nau fintzes mari mortu, chi est abbarrau acorrau in sa terra (comente custa at avantzau), in logos in paris acanta a su mare e in calecunu tretu apertos a su mare Frases cussus pillonis funt andaus totus faci a su stani ◊ una borta is piscadoris de su stani istugiànt is arretzas e is nassas in custas grutas de Tuvixedhu ◊ candu si ghetat sa perda in su stàini is arranas sartant a foras! Terminologia iscientìfica slg Tradutziones Frantzesu étang Ingresu pond Ispagnolu estaño Italianu stagno Tedescu Teich.

stàngiu , nm: istagnu* Definitzione elementu chímicu de símbulu Sn, númeru atómicu 50 e pesu atómicu 118,7: genia de metallu de colore craru, biancale, modhe, chi iscàgiat a temperadura bàscia, bonu mescamente po dh'ammesturare cun àteru metallu (es. cun s'arràmene faet su brunzu) o po istangiare àteros metallos ca dhos badrat de si ossidare; in s'arte de sa terràglia, genia de terra bianca de Làconi chi si frigat a s'istrégiu de terra po dh'istangiare Terminologia iscientìfica mtl Tradutziones Frantzesu étain, engobe Ingresu tin, engobe Ispagnolu estaño, esmalte arcilloso con que se reviste la cerámica Italianu stagno, ingòbbio Tedescu Zinn, Angußfarbe.