Ditzionàriu in línia
de sa limba e de sa cultura sarda

ardúriu , nm: ardurzu, artória, artóriu, artúriu Definitzione sa fortza, mescamente in sa carena, chi unu si paret de tènnere e chi tenet de fàere cosa, o fintzes su coràgiu, sa face; arremu de sa carena, sa carena etotu Sinònimos e contràrios abbrétiu, ardura, balia, bidória, fiamore / ardile / melmu Frases li est dófidu cussu corpu, li at leadu totu sos artórios ◊ sa morte de sa muzere li at leadu totu sos artúrios ◊ so chentza artúrios nudha de cantu so débbile ◊ si si fit cojada si aiat catzadu cuss'ardurzu! 2. no aiat ardúrios de escire pro no èssere arrestadu ◊ no aiat ardúrios de ndhe artziare sos ojos dai sa birgonza 3. s'animalatzu mi abbaidaiat cun ogros de fiamas e sa rúnzida chi li essiat dai corpus mi atraessaiat sos artúrios (G.Ruju) Tradutziones Frantzesu vigueur, ardeur Ingresu ardour Ispagnolu vigor Italianu vigóre, ardóre Tedescu Kraft, Leidenschaft.

bríu , nm Definitzione fortza e fintzes capacidade de fàere cosa / èssere chentza brios de nudha = chentza fortzas, sentíresi débbile Sinònimos e contràrios balia Frases addolumannu meu, apo pérdidu sos brios ◊ candho ti lasso, Sardigna istimada, mi truncat donzi àschidu, onzi briu ◊ su binu de Olíana est de cudhu chi mintet briu! 2. deo so su chi in brios l'apo posta e àtere si ndh'est aprofetendhe! Tradutziones Frantzesu force, vigueur Ingresu vigour Ispagnolu vigor, energía Italianu vigóre Tedescu Stärke.

calentèsa , nf Sinònimos e contràrios prospore Ètimu srd. Tradutziones Frantzesu vigueur, prospérité Ingresu vigour Ispagnolu vigor Italianu vigóre, prosperità Tedescu Kraft.