demostratziòni , nf: dimustrassione, dimustratzione Definitzione su chi si narat o si faet po rèndhere ladina, crara, una cosa, una chistione, po fàere a bíere chi est abberu o comente est Sinònimos e contràrios mostrantza Tradutziones Frantzesu démonstration Ingresu demonstration Ispagnolu demostración Italianu dimostrazióne Tedescu Erklärung, Beweis.

innétu , nm Definitzione su chi si narat, su chi si atrogat de sa cosa chi s'ischit de chistiones angenas, mescamente a unu porrogu / dare s'i. = bogare proas, crarire comente faghet unu a no tènnere sa curpa chi li ant betadu Sinònimos e contràrios proa, testimognu, testimonia Frases devides dare s'innetu de cantu narades! Ètimu srd. Tradutziones Frantzesu témoignage Ingresu evidence Ispagnolu prueba, testimonio Italianu testimonianza, prova Tedescu Zeugnis, Beweis.

pròa , nf, nm: proba 1, probu, prou, prova, provu Definitzione cosa chi si faet po pòdere bíere si andhat bene, ite arresurtau giaet, comente essit, o fintzes fata o fata fàere apostadamente po giare a bíere calecuna cosa; fata unu pagu ispantosa, chi arrechedit coràgiu meda, capacidades mannas Sinònimos e contràrios iscumbata, isperimentu / balentia, proesa Maneras de nàrrere csn: a proas, a brintzis proas = a probia, a bínchidas, a trivas de pari; èssere a proa a… = èssiri acanta a…, apunta a…, aproba, bi cheret pagu a…; a prou, a probu = cun proa, apustis proadu; bogai a faci de proa = pònnere duos apare pro iscumbatare sa beridade; fàghere proa = balentia, cosa ispantosa Frases oe so forte che a primoria, mancari betzu: ndhe apo dadu prou ◊ ti ponzo a su prou, andhe chi mi as postu sa marrania! ◊ custu mi atzertat comente (e mi das giustu prou) chi ancora su coro tou de su passadu est dolente (G.Masala)◊ custu libbru deviat èssere coment'e unu provu ◊ cheret fatu sa proa a bídere comente essit custu triballu 2. arratza de proa chi at fatu!…◊ za l'as fata sa proa a ti che ispèrdere su chi tenias!…◊ méritu e prou pro àere fatu cussa crésia in parte est de su preíderu ◊ bido chi ses fatendhe pagu proa e tantu no bi arrivis a s'intentu! 3. cussa pedra fit a prova a si che la leare un'àteru ◊ sa missa est a proa a intrare ◊ candho cudha fit a proa de palturire ant cramadu zente ◊ s'istajone de sas abbas fit a prova (G.Maieli)◊ babbu mi at fatu de mastru a totu prou ◊ totu faghiant a brintzis proas pro carrare rena e pedra (G.Ruju)◊ est a proa a mesudie ◊ is amigas faiant a proa de pari po si ndi furai s'isposa Ètimu srd. Tradutziones Frantzesu preuve Ingresu proof, test, try Ispagnolu pruba, demostración Italianu pròva, dimostrazióne Tedescu Probe, Beweis.

«« Torra a chircare