Legenda Incurtzaduras | Legenda Sìmbulos

afetuàda , nf Definitzione su chi si narat a briga a un'àteru, o fintzes paribari, po cosa male fata, ma podet èssere fintzes su chi si narat a difesa de ccn. Sinònimos e contràrios abburruntu, atzúrridu, certu, murrúngiu Frases mi at istunigadu s'ortu cun sos fiados e li apo fatu s'afetuada (G.Ruju)◊ nonna mi at fatu s'afetuada ca no bi so andhada addaghi at lómpidu sos annos ◊ nos amus fatu s'afetuada pari pari e semus torrados a su sólitu Ètimu srd. Tradutziones Frantzesu reproche, éclaircissement Ingresu rebuke, exclamation Ispagnolu reproche, aclaración Italianu rimpròvero, chiariménto Tedescu Vorwurf, Erklärung.

dichiàra , nf Definitzione su chi si narat po fàere a ischire a sa ladina una cosa importante, cosa chi si pentzat, chi si credet, chi s'ischit, chi si bolet Sinònimos e contràrios dichiarassione Frases cun oriolu currindhe che frina che arrivo a inie e li presento asie sa dichiara de sa meighina ◊ prammas, gravellos e rosas istant murmurèndhedi amorosas dichiaras de ammiru Tradutziones Frantzesu déclaration Ingresu declaration Ispagnolu declaración Italianu dichiarazióne, deposizióne Tedescu Erklärung.

ispiegassiòne, ispiegatziòne, ispiegatziòni , nf: ispricascione, spiegatzioni Definitzione totu su chi si narat po fàere a cumprèndhere, o cumprèndhere méngius, una chistione, una cosa Sinònimos e contràrios ispricada, ispricu 2, ixarimentu Frases naro, a bos dare noa ispricascione, chi benzemus a una terra muda chi no at peruna cultivascione ◊ telèfonant po dare ispiegatziones, po pedire e dare cussizos ◊ at a fai bèni a donai a is pipius totus is ispiegatzionis ◊ nosi ant fatu un'ispiegatzione naendho chi dognunu istet atentu Tradutziones Frantzesu explication, éclarcissement Ingresu explanation Ispagnolu explicación Italianu spiegazióne, chiariménto Tedescu Erklärung.

«« Torra a chircare