Legenda Incurtzaduras | Legenda Sìmbulos

indèma , nf Definitzione maladia mala a sanare, chi tirat a longas, chi no sanat, su no sanare de una maladia Sinònimos e contràrios dema*, marturia Tradutziones Frantzesu chronicité Ingresu chronicity Ispagnolu dolencia, enfermedad crónica Italianu cronicità Tedescu chronischer Charakter.

ispícu 1 , nm Definitzione capacidade de si impònnere, de cumandhare, de bogare face, fortza de su naturale de sa persona, capacidade de si giare a bíere, de si fàere bàlere / pònnere in i. una cosa = pònnerela a manera de si poder bídere Sinònimos e contràrios àcia, caràtere Frases cussu est istadu sempre de pagu ispicu e l'ant giutu a truvu mannos e minores ◊ su síndhigu nostru est de ispicu e totu lu rispetant (G.Ruju) Tradutziones Frantzesu forte personnalité, évidence Ingresu personality, grit, evidence Ispagnolu determinación, personalidad Italianu grinta, personalità, evidènza Tedescu Entschlossenheit, Charakter.

naturàle , agt, nm: naturali Definitzione chi est deasi comente sa natura dh'at fatu, chi est cunforma a sa natura, a comente andhat desesi, a solu; sa manera de fàere, de si cumportare chi unu tenet chentza chi potzat dipèndhere de su ch'ischit o imparat o chi bolet, ne de s'educatzione e ne de s'annestru, ma nau a bortas fintzes in su sensu de abbitúdine pigada o, foedhandho de matas e animales, genia de calidade (fintzes peca) Sinònimos e contràrios incrina, índula / físsiu | ctr. fatiscu Frases at cussu naturale: est latranghigurtzu! ◊ isse at unu naturale gasi bonu chi faghet cun totugantos ◊ cussu at naturale malu: no faghet cun neunu! ◊ a èssi gelosu dhu tenit de naturali ◊ teniat unu naturale: li aggradaiat sa cosa licarda! ◊ cust'àinu tenet su naturale de carchidare ◊ no l'inchestes ca tenet naturale malu! ◊ furiat una fémina forti de naturali ◊ at cussu naturale: si leat fritu li benit su male de sa bula 2. arratza de naturali chi tenit, a furai! ◊ cust'àrbure tenet su naturale de si barriare de fiore ma de muntènnere pagu frutu 3. de morti e de dolori nci nd'est fintzas tropu in su naturali de custu mundu Ètimu itl. Tradutziones Frantzesu naturel, propension Ingresu character, inclination Ispagnolu natural Italianu naturale, caràttere, inclinazióne, propensióne Tedescu natürlich, Naturell, Charakter, Temperament.

«« Torra a chircare