Ditzionàriu in línia
de sa limba e de sa cultura sarda

aprícu , nm: aprigu Definitzione su si pònnere cun apentu a fàere cosa Sinònimos e contràrios apentu, contibizu, incuru Frases depides dare cara chin apricu a sos cumandhos de su Segnore Ètimu srd. Tradutziones Frantzesu application, disposition Ingresu application, inclination Ispagnolu aplicación, ahínco Italianu applicazióne, inclinazióne Tedescu Eifer.

incrína , nf, nm: incrine, incrinu, ingrina, ingrinu Definitzione su àere passione, apentu, su impunnare de naturale a calecuna cosa Sinònimos e contràrios índula, ingrigna, naturale Frases cun totu chi pariat de malu incrine, s'ànima aiat afetuosa ◊ dhu'at un'arede de ispíritos e doennas sèmpere in fua po s'incrinu areste ◊ dontzunu si procuraiat sos zocàtulos ponèndhebbi totucantu s'incrinu vonu chi aiat ◊ m'imputas ingrinos de demóniu! ◊ non est genti de incrina màua ma est càrriga de fícius Ètimu srd. Tradutziones Frantzesu inclination, penchant, disposition Ingresu inclination Ispagnolu inclinación Italianu inclinazióne, propensióne Tedescu Neigung.

incruadúra , nf: incrubadura, incurbiadura Definitzione su incrubare, su abbasciare o èssere abbasciau a un'ala de unu paris, de calecuna cosa chi iat a istare in paris Sinònimos e contràrios incrunu Ètimu srd. Tradutziones Frantzesu inclinaison, courbe Ingresu inclination Ispagnolu curvatura Italianu inclinazióne, incurvatura Tedescu Neigung, Beugung.

naturàle , agt, nm: naturali Definitzione chi est deasi comente sa natura dh'at fatu, chi est cunforma a sa natura, a comente andhat desesi, a solu; sa manera de fàere, de si cumportare chi unu tenet chentza chi potzat dipèndhere de su ch'ischit o imparat o chi bolet, ne de s'educatzione e ne de s'annestru, ma nau a bortas fintzes in su sensu de abbitúdine pigada o, foedhandho de matas e animales, genia de calidade (fintzes peca) Sinònimos e contràrios incrina, índula / físsiu | ctr. fatiscu Frases at cussu naturale: est latranghigurtzu! ◊ isse at unu naturale gasi bonu chi faghet cun totugantos ◊ cussu at naturale malu: no faghet cun neunu! ◊ a èssi gelosu dhu tenit de naturali ◊ teniat unu naturale: li aggradaiat sa cosa licarda! ◊ cust'àinu tenet su naturale de carchidare ◊ no l'inchestes ca tenet naturale malu! ◊ furiat una fémina forti de naturali ◊ at cussu naturale: si leat fritu li benit su male de sa bula 2. arratza de naturali chi tenit, a furai! ◊ cust'àrbure tenet su naturale de si barriare de fiore ma de muntènnere pagu frutu 3. de morti e de dolori nci nd'est fintzas tropu in su naturali de custu mundu Ètimu itl. Tradutziones Frantzesu naturel, propension Ingresu character, inclination Ispagnolu natural Italianu naturale, caràttere, inclinazióne, propensióne Tedescu natürlich, Naturell, Charakter, Temperament.