Legenda Incurtzaduras | Legenda Sìmbulos

aciséri , agt, nm: ciseri, eciseri* Definitzione chi o chie ecisat, incantat, nau prus che àteru in su sensu chi incantat cun sa bellesa, cun s'amore Sinònimos e contràrios acisadore, improseri, ingannadore, ingranguleri / abbervadore, brúsciu, cogu, fatiàrgiu, fatuzadore, fatuzeri, maghiàgliu, magineri, mainàrgiu 2. arguai de bosatrus a ripiti cussa fórmula de cogas, innui si ammesturant is aciseris elementus de s’àcua, de sa terra e de su fogu! Tradutziones Frantzesu ensorcelant Ingresu charmer Ispagnolu hechicero Italianu ammaliatóre, seduttóre, maliardo Tedescu bezaubernder Mensch, Verführer.

eciséri , agt, nm: aciseri, ciseri Definitzione chi o chie ecisat, incantat, nau prus che àteru in su sensu chi incantat cun sa bellesa, cun s’amore Sinònimos e contràrios acisadore, improseri, ingranguleri / abbervadore, acisadore, brúsciu, cogu, fatiàrgiu, fatuzadore, fatuzeri, maghiàgliu, magineri, mainàrgiu Frases portat su nasu unu paghedhu a patata, su tanti apenas po èssiri prus ecisera ◊ ecisera de sos coros, in cumbata as postu a tantos! Ètimu spn. Tradutziones Frantzesu séducteur, ensorceleur Ingresu fascinating, seductive, charmer, seducer Ispagnolu hechicero Italianu seduttóre, maliardo Tedescu bezaubernd, Verführer, Bezauberer.

incatràmu , nm Sinònimos e contràrios ingànniu, trampa / imbodhiosu, imbusteri, incatramadore, ingannadore, tramperi, trasseri / aciseri Ètimu srd. Tradutziones Frantzesu séducteur Ingresu seducer Ispagnolu seductor Italianu seduttóre Tedescu Verführer.

ingagiadòre, ingagiadòri , agt, nm Definitzione chi o chie arrennescet a pigare is àteros cun ingannu, cun promissas o àteras cosas chi praghent Sinònimos e contràrios inganneri Frases no ti fides de cuss'ingagiadore! Ètimu srd. Tradutziones Frantzesu séducteur, corrupteur Ingresu allurer Ispagnolu seductor Italianu adescatóre Tedescu Verführer.

ingannadòre, ingannadòri , agt, nm Definitzione chi o chie faet ingannos Sinònimos e contràrios aciseri, incatramu, inganneri, inganniosu / dimóniu Frases custu ingannadore induit a s'errore mannos e pitzinnos ◊ no bos intzeghet sa chimera ingannadora de faltzos profetas pagados dai manu furistera! ◊ una, male pro me, ndhe apo istimadu cretendhe chi no fit ingannadora Sambenados e Provèrbios prb: s'ingannu torrat a s'ingannadore Ètimu srd. Tradutziones Frantzesu trompeur Ingresu cheat, deceiving Ispagnolu engañador Italianu ingannatóre, seduttóre Tedescu Betrüger, Verführer.

«« Torra a chircare