Ditzionàriu in línia
de sa limba e de sa cultura sarda

abbadharinàdu , agt Definitzione si narat de unu chi est a illuinamentu, chi est che imbriagu Sinònimos e contràrios abbadhinadu, abbatzinadu, iscimingiau, sculubiau / atolondrau Frases intendhendhe chi sa Sardigna tenet setemiza nuraghes bi arreei abbadharinadu Ètimu srd. Tradutziones Frantzesu étourdi Ingresu dazed Ispagnolu aturdido Italianu stordito Tedescu betäubt.

abbaucàdu , pps: abbaucatu Definitzione de abbaucare; chi no est cumprendhendho prus nudha, ispantau Sinònimos e contràrios abballalloadu, abbereladu, abbrebebau, ammammalucadu, atontadu, atrassidu, incantadu 2. l'iscultaia abbaucadu ◊ sa majarza pariat abbaucada carignendhe su bentone de Giuannànghelu, ca nachi li naraiat ite li depiat sutzèdere Tradutziones Frantzesu embobiné, ébahi Ingresu reeled, daydreamed Ispagnolu embaucado, encantado Italianu abbindolato, trasognato Tedescu betäubt, verblüfft.

alloloinài , vrb Sinònimos e contràrios atolondrai Tradutziones Frantzesu monter à la tête, étourdir Ingresu to befuddle, to stun by sleep, by sun Ispagnolu aturdir el vino, el sueño, el sol Italianu stordire col vino, dal sónno, dal sóle Tedescu durch Wein, vor Schlaf oder Sonne betäubt sein.

ammincàu , agt Definitzione chi no cumprendhet, chi est che dormiu, coment'e nemos Sinònimos e contràrios abbentau, acallonau, ammincronau, atolondrau, atontau Ètimu srd. Tradutziones Frantzesu hébété Ingresu dazed Ispagnolu atontado Italianu inebetito Tedescu betäubt.

atambainàdu , pps, agt Definitzione de atambainare; chi est a illuinos Sinònimos e contràrios atronitadu, intambainadu, irbadhinadu, istronadu 2. est atambainadu de sa romadia ◊ in cue sa giustíscia no est ne atambainada e ne drommida: est morta! ◊ si ndhe falant de sa bicicleta atambainados pariat chi aiant fatu trinta giros de giostra ◊ funt atambainados e achénsidos dae sas podhas chena pasu Tradutziones Frantzesu étourdi Ingresu dazed Ispagnolu aturdido Italianu stordito Tedescu betäubt.

atolondràu , pps, agt: atrollondau Definitzione de atolondrare Sinònimos e contràrios abbentau, ammincau, atontau, sculubiau 2. est chin sa conca a múghitas che moju, mesu atolondrau ◊ lampos de lughe nos at iscutu in cara illuinanne sa mente atolondrada (M.Monterra)◊ si nd'isciumbullat e si càstiat in giru atrollondau Tradutziones Frantzesu étourdi Ingresu dazed Ispagnolu atolondrado Italianu stordito Tedescu betäubt.

atontàu , pps, agt Definitzione de atontare Sinònimos e contràrios abbentau, ammincau, atolondrau / cdh. intuntitu Frases sos banzos l'ant atontadu 2. no istes gai atontadu: bae e faghe sa cosa! Tradutziones Frantzesu abruti Ingresu stunned Ispagnolu atontado Italianu intontito, istupidito Tedescu betäubt, verblödet.

imbortighinàu , pps, agt: immortighinadu Definitzione ammortisinadu, benniu mancu immadoinau, nau de gente Sinònimos e contràrios ammortiginau, immadoinau, smardoscinau Frases Busentu ruet immortighinadu, però betendhe sinceru faedhu (S.Lay Deidda)◊ su piciochedhu si fut imbortighinau, pisciau e cagau de s'assíchidu Ètimu srd. Tradutziones Frantzesu assommé Ingresu senseless Ispagnolu desmayado Italianu tramortito Tedescu betäubt.

isantalàdu, isantalàu, isantelàu , agt Definitzione nau de ccn., chi abarrat prantau acoment'e atontau, chentza cumprèndhere, abbabbalucau, coment'e pentzandho in àteru, coment'e chi no dhue siat Sinònimos e contràrios ammammalucadu, atambainadu, atolondrau, sculubiau Frases ite ses fachendhe gai isantalau o timendhe ses? ◊ padentes e tupas mi parent pupas isantaladas chene alenu ◊ chene chinnire ocru, fit isantalau pompiandhe sa fotografia de sa muzere in sa tumba ◊ fit abbarrau isantalau, abbenenau che gatu agreste ◊ isse pariat isantaladu, nachi fit atuendhe ma non ischiat mancu inue ciughiat sos pes! Ètimu srd. Tradutziones Frantzesu raide et droit comme un piquet, étourdi, absent Ingresu stiff, dazed, away from Ispagnolu encandilado Italianu impalato, stordito, assènte Tedescu kerzengerade, betäubt, zerstreut.

istronàdu , pps, agt: istronatu, istronau Definitzione de istronare; chi est cun sa mente coment’e illuinada, cunfúndhia Sinònimos e contràrios atambainadu, irbadhinadu, istranitu, sculubiau 2. fint totu istronatos, a ocros a crapas chene ischire su de nàrrere ◊ abbèglio sos ocros istronatu e azicu resesso a cumprènnere inumbe so ◊ sa manada sua a cussu chi dhi tocàt a s'atacai dhu lassàt istronau! Tradutziones Frantzesu étourdi Ingresu stunned Ispagnolu trastornado, confundido Italianu frastornato, stordito Tedescu betäubt.