Legenda Incurtzaduras | Legenda Sìmbulos

ammoriscài , vrb Definitzione fàere de colore niedhudu, regotu, su colore chi giaet a sa carrítzia su sole a meda Sinònimos e contràrios abburare, acotilai, anniedhigai, inniedhigai, recòghere Ètimu srd. Tradutziones Frantzesu noircir, brunir Ingresu to get tanned Ispagnolu broncear Italianu abbronzire Tedescu gebräunt werden.

ammoriscàu , pps, agt: moriscau Definitzione de ammoriscai Sinònimos e contràrios acotiau, regotu / abbruschiau | ctr. acrangiolau 2. su pani no depit èssiri ni a faci branda e ni ammoriscau Ètimu spn. amoriscado Tradutziones Frantzesu bronzé Ingresu browned Ispagnolu bronceado, moreno Italianu abbrunato, abbronzato Tedescu gebräunt.

arrecótu , pps, agt: recotu Definitzione de arrecoi; nau de s’orrobba o de sa carre, chi est de colore niedhudu, inniedhigada coment'e cota, a fortza de dh'imbrutare o de pigare sole Sinònimos e contràrios acotiau, ammoriscau, ammurradu | ctr. càndhidu, nídidu 2. su piscadori portat sa pedhi niedha, arrecota de su soli e de s'ària salia Terminologia iscientìfica clr Tradutziones Frantzesu bronzé, hâlé, bruni Ingresu tanned Ispagnolu bronceado, moreno Italianu abbronzato Tedescu gebräunt.

tíntu , pps, agt, nm Definitzione de tínghere; chi portat o dhi ant postu tinta; bestimentu niedhu po lutu, de dolu Sinònimos e contràrios intintu / lutu Maneras de nàrrere csn: fàghere su t. = tínghere sa bestimenta a niedhu; pònnere su t. = bestire in niedhu, pònnere su lutu 2. giughet piúere de istellas in sas alas totu tintas de chentu colores pintas ◊ su bestire est tintu a bàllios ◊ sa raga de su costumu est de lana téssia a telàrgiu e tinta cun córgiu de àlinu e orruscu de suérgiu 3. sa muzere si ponzesit su tintu e fateit unu folte corrutu Tradutziones Frantzesu teint, bruni Ingresu dyed, darkened Ispagnolu teñido, enlutado Italianu tinto, abbrunito Tedescu gefärbt, gebräunt, schwarzgekleidet.

«« Torra a chircare