Legenda Incurtzaduras | Legenda Sìmbulos

apedhuncàu , pps, agt Definitzione de apedhuncare; nau de ccn., chi portat sa pedhe imbodhigada a s'ossu de cantu est làngiu, chi est totu pedhe e ossos Sinònimos e contràrios marriu, scalarxiu, scarritzinu | ctr. grassu Tradutziones Frantzesu décharné Ingresu skinny Ispagnolu descarnado Italianu scarno Tedescu hager.

iscarraínzu , agt: iscarrinzu Definitzione chi portat pagu carre, pagu prupa, nau de sa carena (o de una parte)/ terra iscarrainza = romasa, chi no falat a fundhu, a pillu fine Sinònimos e contràrios assichizonidu, iltrízile, scarritzinu | ctr. grassu Frases fit unu bell'ómine, artu, iscarrainzu ma forte e sanu ◊ est unu pitzinnu iscarrainzu ◊ chirco sa cara iscarrainza de mamma Terminologia iscientìfica zcrn Ètimu srd. Tradutziones Frantzesu décharné Ingresu lean Ispagnolu descarnado Italianu scarno Tedescu hager.

mabagrabíu , agt: malacariu, malincaridu, malincariu Definitzione chi est acadidu male, meda, tropu (istat male, nau de gente ma fintzes de matedu), fintzes chi faet a tímere de sa bisura lègia chi portat, chi paret una pantuma, in cara mala, iscarugiu, istrupiau puru Sinònimos e contràrios afésiu, istrimuzidu, marriu, maltratu, scalarxiu, scariatzu, surgiu 1 Frases fut tanti malacariu chi dhu tzerriànt "Puntedhu" ◊ in atonzu àrbores, predas e tupas si bient malincarios ◊ a piciochedha arrigollendi ispiga nci dh'est istichiu unu cambu de fenu in s'ogu e abarrara est istrupiara, ma mancai cun s'ogu malacariu no si est arréndira mai Ètimu srd. Tradutziones Frantzesu émacié, blême, pâle Ingresu gaunt Ispagnolu macilento Italianu macilènto, smòrto Tedescu abgezehrt, hager, blaß, bleich, verblaßt.

scarritzínu , agt: scarrutzinu Definitzione nau de unu, chi est de carena làngia, chi portat pagas prupas Sinònimos e contràrios dílicu, finigosu, iltrízile, iscarridu, marriu, scalarxiu, schirriolu, sicadinu, stinghiritzu Frases sa piciochedha portat su tzugu scarritzinu Terminologia iscientìfica zcrn Ètimu srd. Tradutziones Frantzesu décharné Ingresu skinny Ispagnolu descarnado Italianu scarno, segaligno Tedescu hager, mager.

«« Torra a chircare