ingràssa , nf, nm: ingrassu Definitzione su ingrassare: ingrassa dhu narant pruschetotu po animales, ingrassu si podet nàrrere fintzes de terras Sinònimos e contràrios rassa / alladaminamentu Frases su procalzu beniat a su buscu a s'ingrassa ◊ sos chi in su monte ant àpidu s'ingrassu giughent peta licantza… a mastigare ◊ imbucades che porcos a s'ingrassa dae su die mércuris de lísciu! (P.Mossa) 2. s'ingrassu si fait a is terras apenas isfrutadas Tradutziones Frantzesu engrais Ingresu fattening Ispagnolu engorde, ceba, abono Italianu ingrasso Tedescu Mästen, Düngen.

ingrassài, ingrassàre , vrb Definitzione pònnere lardu, ógiu (mescamente nau de is petzas, animales e gente); frigare o pònnere ógiu a ingranàgios, betare ladamíngiu a sa terra; in cobertantza, errichire Sinònimos e contràrios ammeudhare, irrassare, saginai / úngere / alladamenae | ctr. illangiare, irromasire, isozare Frases biu ca Gilda est prenixedha, sighendusí a ingrassai ◊ ingunis si papat bèni, issu s'est povintzas ingrassau ◊ ingrassamus su porcu pro lu fàchere a sartitza ◊ nc'est peri chini ingrassat papandu pagu! 3. cumintzeit a sudhare chi su dinari non serviat a Santu Frantziscu ma pro ingrassare sas buxacas de compare retore Sambenados e Provèrbios prb: s’oglu de su mere ingrassat su cadhu Ètimu srd. Tradutziones Frantzesu engraisser Ingresu to fatten Ispagnolu engordar, engrasar, abonar Italianu ingrassare Tedescu mästen, einfetten, düngen.

saginài , vrb Definitzione ingrassare bene Sinònimos e contràrios ammeudhare, ingrassai | ctr. illangiare, irromasire Ètimu ctl. saginar Tradutziones Frantzesu engraisser Ingresu to fatten Ispagnolu engordar, cebar Italianu impinguare Tedescu mästen.

«« Torra a chircare