Legenda Incurtzaduras | Legenda Sìmbulos

chígnere , vrb: chínghere, cíngiri Definitzione pònnere su bestimentu intrau in dossu (o fintzes in pitzu: bonete, muncadore), pònnere is coedhas de sa camisa o àteru aintru de is pantalones o de àteru bestimentu chi lompet a chintzu (a logos fintzes solu pònnere su costúmene); coment'e pigare a chintzu, nau in su sensu de bínchere / pps. chintu 1, cintu 1 Sinònimos e contràrios abbragare, arraghilare, atrintzai, bestire / chintare, inchínghere / bíncere | ctr. ischígnere, spogiai Frases addaghi ti ndhe pesas dae letu ti chinghes ◊ cussa camisa chinghedichela a intro de sos pantalones! ◊ sunt chinghindhe su mortu innantis chi s'ifritet ◊ como mi chingo su mucatore 2. bi cheret detzi continentales a la chínghere a unu sardu!…◊ cussu a tie ti la chinghet in totu ◊ bi l'apo chinta! Ètimu ltn. cingere Tradutziones Frantzesu habiller, vêtir Ingresu to dress Ispagnolu ceñir, vestir, llevar Italianu cìngere, vestire Tedescu umschließen, anziehen.

incordonadúra , nf Definitzione su incordonare, totu su chi si faet po cassare a calecunu o unu pegus, ponendhosi in medas a inghíriu, o fàere a manera chi unu fogu fuiu o una maladia no s'isterrat faendho dannu Sinònimos e contràrios incortigliadura, inghiriamentu Tradutziones Frantzesu encerclement Ingresu isolation, surrounding Ispagnolu aislamiento, cerco Italianu isolaménto, accerchiaménto Tedescu Umschließen.

incortigliadúra , nf Definitzione su incortigliare, incordonadura, po cassare o firmare calecuna cosa Sinònimos e contràrios inghiriamentu Ètimu srd. Tradutziones Frantzesu encerclement Ingresu surrounding Ispagnolu acorralamiento Italianu accerchiaménto Tedescu Umschließen.

inghiriaméntu , nm: ingiriamentu Sinònimos e contràrios inghiriadura, inghíriu Ètimu srd. Tradutziones Frantzesu encerclement Ingresu surrounding Ispagnolu cerco Italianu accerchiaménto Tedescu Umschließen.

«« Torra a chircare