crebàda , nf: crepata, cribada Definition su crebare; sa segada chi si dhue faet in sa cosa chi si tzacat; carda de arrennegu; foedhandho a disprétziu, cagada Synonyms e antonyms crebadura, tzacadura Etymon srd. Translations French lézarde, crevasse, fêlure English crack Spanish grieta Italian crèpa German Riß.

crebadúra , nf: crepadura Definition su crebare; manera de fàere (de segare) una cosa coment'e cosa crepandho o chi si crepat; s'afilada chi abbarrat de su crepare; nau de sonu o de boghe, chi essit a fortza, a pelea, e s’intendhet coment'e de cosa chi si crepat Synonyms e antonyms crebada, fibadura, scrafangiadura / ttrs. cribadura 2. de cussos cantantes bi ndhe at chi cantant a crebadura e no balent a nudha ◊ su pitzinnu est pranghindhe a crebadura ca sa mama l'at iscutu própiu pro no prànghere ◊ cussu triballu unu tempus si faghiat a crebadura: oe cun sas màchinas est prus discassosu Etymon srd. Translations French lézarde, crevasse, fêlure English fissure Spanish grieta Italian crepatura German Riß.

fresadúra , nf: frisadura 1 Definition su fresare; genia de segadura in sa pedhe intostada po su fritu / fresadura a laras = calpidura Synonyms e antonyms freu, frísida 1, isperradura, tzacadura / iscopercadura Etymon srd. Translations French rhagade, gerçure, crevasse English chapping, raghas Spanish grieta Italian ràgade, screpolatura German Hautriß, Rhagade.

garrópu , nm, agt: carropu*, goropu, gorropu, irgorropu, sgarropu Definition buidu mannu, mescamente inue dhue at orrocas, inue che intrat o ndh’essit s'abba, aperta manna o fintzes una genia de canale fungudu meda cun orrocas artas, fossu mannu prenu de abba in is errios; mulinete de bentu o de abba, abba apaulada e fossu fungudu; nau de gente, chi giughet is palas ingobbedhadas Synonyms e antonyms barrocu, isciusciu, ispéntimu, scabiossu, spérruma, trabentu, tuvone / bàtiga, fògia 1, gurgu 1, pógiu, trógliu / abbajonadu, aggobbedhau, giumburudu, rumbosu, tzumbosu Idioms csn: bènnere gorropu = essiri su tzúmburu, sa gobba (a unu); bufai a garropu = totu a unu corpu?, a bruncu?; paligorropu, paligorropa = palidortu, palidorta, dortu, dorta a palas Sentences su gorropu est totu istampos, galarias, ischinas intorticaas, locu iscussertu e male traganau ◊ istichiu interi montes, gorropu misteriosu, privau de orizontes, locu secretu e malu a l'acatare ◊ in custu logu su frúmmini est fundudu, nci at unu garropedhu ◊ camminàt a tzopu poita ndi fut arrutu de asuba de unu garropu 2. su tempus, is dis nci dhas ghetat a sa sighia a su garropu de sa memória 3. a betzu tue benis gorropu Translations French ravin, gouffre, crevasse English gorge, cleft whirlpool Spanish quebradura Italian fórra, górgo, crepàccio German Klamm, Strudel, Wirbel, Riß.

impercadórzu , nm Definition logu fundhudu chi faet a gruta, in is orrocas Synonyms e antonyms impercu, ingurtidórgiu Sentences che los betaiant in s'impercadorzu Etymon srd. Translations French crevasse English cleft whirlpool Spanish quebradura Italian crepàccio German Riß.

iscrachedhàdu , pps, agt Definition de iscrachedhare; nau de frutuàriu cotu e chíbberu, chi portat su pigiolu aperindhosi; fintzes chi est coment'e murru, cun diferentes colores Synonyms e antonyms fresuladu, illavrudhadu, scritu / cdh. schilchidhatu / balzu, incespiau 2. sa figu est bene cota candho est iscrachedhada 3. cun cussa bestimenta iscrechedhada pariat pintadu a pinzellu! ◊ s'arza est iscrechedhada a ruju Translations French crevassé English cracked Spanish fruta agrietada Italian screpolato German aufgesprungen.

scaravangiàu , pps, agt: scrafangiau Definition de scaravangiai; chi est apertu, chi portat tzacaduras, crapiduras Synonyms e antonyms freosu, iscrachedhadu / cdh. scarabutzatu 2. sa fachi fait torra strunciosa e scrafangiada, parit màscara maba candu est carrasegai ◊ portu carronis e manus scrafangiaus ◊ sceti scrafangiaras si boliant, is tzípulas suas… dhas fait sempri tostadas che balla!◊ malaritus, scrafangiaus siais! Translations French crevassé English cracked, got chapped Spanish agrietado, resquebrajado Italian screpolato German aufgesprungen.

schinnidúra , nf: schinnirura Definition isperradura de cosa chídrina, tostada, deasi comente dha faet sa canna chi si aperit de longu, ma chentza èssere segada deunudotu Synonyms e antonyms abbelta, afilada, afiladura, cannidura, filidura, isperrada, tzacadura Sentences est iscorrovonendi sa fentana in dogna schinnirura ◊ sa luxi passat in is schinniduras de is portellitus de sa fentana Etymon srd. Translations French lézarde, crevasse English cleft, crack Spanish grieta, hendidura Italian fenditura, lesióne German Riß, Beschädigung.

«« Search again