Ditzionàriu in línia
de sa limba e de sa cultura sarda

dèma , nf: atema, demma, tema Definition maladia chi tirat a longas, aintru de sa carena e mancu bene connota, fintzes arremadiu, pecu Synonyms e antonyms antzulia, ciaca, indema, insemia, témiu, tzemia / defeta, peca 1 2. mi dolet a mortóriu unu prumone, no potzo mancu respirae pro sa dema 3. sa dema cosa sua est chi est mandroni Translations French misère, maladie English ailment Spanish enfermedad Italian magagna, malattìa crònica German Gebrechen.

isténia , nf, nm: isténiu Definition poberesa, debbilesa, su èssere chentza cosa e chentza fortzas; sa pagu presse, su istentu faendho is cosas, su abbarrare mighirimíghiri, tropu abbellu Synonyms e antonyms bisognu / apódhiu, immajonu, istentu Idioms csn: andhare a i. = pèrderesi, (nadu de sas abbas) interràresi, isparèssiri; mòrrere a i. = istare morindhe e chentza mòrrere, istentare morindhe; sonu de campana a isténiu = addasiadu (goi sonant s'ispiru) Sentences si sos zornales batiant solu novas bonas sos leghitores tiant mòrrere de isténia! ◊ destinu, fada o sorte truncant, istruncant o faghent isténiu, de s'umanu iscontzendhe onzi dissignu 2. ite isténiu de cuntrestu! ◊ assiat isténiu! 3. zente meda in su mundhu est famida, morzendhe a isténiu ◊ si a primu viviat a isténiu, como campat sentza apretu ◊ in pensione vivet a isténiu, buschendhe cugumedhu, cocoi, catza a giobu ◊ sa sorte mi at assachiadu lassèndhemi a isténiu Etymon srd. Translations French privation, misère, lenteur English privation Spanish privación, pena, lentitud Italian stènto German Entbehrung.

miserèsa , nf Synonyms e antonyms bisognu, carestia, iscassia, poberesa, spatígliu | ctr. bundhàntzia, sobra Sentences cussa mandrona menzus istat in miseresa chi no si ponet a triballare! Etymon srd. Translations French misère English poverty Spanish miseria Italian misèria German Elend.

poberèsa , nf: pobiresa, poboresa, poveresa Definition su èssere pòberos, su tènnere pagu, tropu pagu / intrare in p. = essire pòberos, in bisóngiu Synonyms e antonyms abbisognu, aprentu, pobertade, poburidadi | ctr. richesa / cdh. poaresa Sentences dh'iat sacrificada sa vida, sèmpere pòberu, ma cun cussu pitariollu s'intendhiat erricu, no dh'iat ispantau sa poberesa ◊ fillu de giornaderi, iat connotu isceti sa poboresa ◊ poboresa e fintzas fàmini si patiat, in tempus de guerra ◊ amanti de poberesa, dogna bèni at lassau ◊ príntzipes malos, bídrigas e zanas bortulaiant reinas in ranas covecadas in trista poveresa (N.Osu) Etymon spn. Translations French pauvreté, misère English poverty Spanish pobreza Italian povertà, misèria German Armut, Elend.