Abbreviations Legenda | Symbols Legend

capiòla , nf Definition unu chi est badhinosu, pagu giustu de conca Synonyms e antonyms carvedhera, capiabi, concadroxa / cdh. capichedhu Etymon itl. capo Translations French cerveau fêlé English queer fellow Spanish chiflado, tocado Italian cervèllo balzano German verrückter Kopf.

cumpàgnu , nm, agt: cumpàngiu, cumpantzu, cumpanzu Definition chie o fintzes cosa chi istat o andhat impare cun calecunu àteru (o àtera cosa) po calecunu motivu, o chi si podet pònnere impare; fintzes chi est oguale o chi assimbígiat a un'àteru Idioms csn: avb. èssere a cumpanzos = zenia de sótziu, tènnere bestiàmine o triballu a cumone; èssere o istare a cumpanzinu (nadu de ómine e de fémina) = amigados, paris che maridu e muzere ma chentza cojados; mermos cumpanzos = mermu chi dhoi est a una parti e a s'àtera de su corpus (itl. antímero); zogare a cumpanzos = in su giogu de is cartas, giogai a duus a duus, duus contras a duus àterus (ma sempri, giogai assumancus in duus) Sentences chie no ischit est cumpanzu de su tzegu ◊ custu mermu est cumpagnu de s'àteru ◊ aiat cumbidau a bènnere totu sos cumpanzos de su fizu ◊ tra cumpagnos fora de iscola faedhaiamus su sardu 2. cun tegus semus cumpanzos de triballu, de iscola ◊ non telèfonas a unu cumpantzu de pitzinnia solu ca as de travagliare?! ◊ custas sabbatas no sunt cumpàngias ◊ custa cartzita est sa cumpanza de cussa 3. Fulana nachi si ch’est fuida a cumpanzinu cun Bodale ◊ si tratenet in s'oru de sa ziminera pessendhe a s’incràs, cun su fogu a cumpanzinu ◊ candu is crabaxus furiant a cumpàngius depiant mesurai su lati chi mulliant Surnames and Proverbs prb: chini tenit cumpàngiu tenit meri Etymon itl. Translations French autre (d'une paire), copain, collègue English the same, fellow Spanish compañero, colega Italian compagno, collèga German Gefährte, gleich.

fraíciu , agt, nm: fraissu, fraitzu Definition chi ingannat, chi o chie giughet fraitza, trassas, e leat s'àteru a ingannu e no dhue at de si ndhe fidare; chi est furuncu, foressiu; nau in cobertantza, su margiane Synonyms e antonyms falsu, fraitzosu, libberiscu, traitore, transosu / arrapiante, forúnciu, francudu, furànciu, furone / grodhe, magliane, matzone Sentences si pagu pagu si avallat, margiani fraitzu ndi dhu furat is pudhas ◊ si sunt pijendhe mannas e mannujos cun s'ojada fraitza (G.Fiori)◊ no ti acostis, lah ca custu cani est fraitzu! ◊ amiga o fraitza est sa preséntzia tua? ◊ mi seo lassau tentare dae bisos fraícios! 2. su fraitzu est torradu cun àteros ladros Surnames and Proverbs prb: fraitzu perdit su pilu ma no s'imbitzu Scientific Terminology ntl Etymon srd. Translations French rusé English shrewd, cunning fellow Spanish astuto, listo Italian astuto German schlau, Schlaukopf.

fúlbu , agt, nm: furbu Definition chi o chie giughet trassas, ischit intrare in is cosas e chistiones chentza giare a bíere totu su chi dhi podet andhare in contràriu Synonyms e antonyms bulbu 1, filone 2, grodhone, malfusu, prinnigheri Scientific Terminology ntl Etymon itl. Translations French rusé English wily, cunning fellow Spanish listo, astuto Italian furbo German schlau, Schlaukopf, Schlauberger.

giangallòi, giangallòni , nm: giangralloni, zangallone Definition ómine mannu mannu, artu e fine de carena, fintzes mannu e tontu, de pagu crabbu Synonyms e antonyms caillone, cannainzu, debberone, drangalloni, dràngalu, grangalloi, iscalandrone, labbaristru, longariete, longhei Sentences arratza de giangalloni de ómini s'est fatu! ◊ est nàsciu mannu che giangalloni ◊ mi est dispràxiu a biri cussus giangallonis de Piemontesus currendi po sa timoria Etymon srd. Translations French grand escogriffe English lanky fellow Spanish larguirucho Italian spilungóne German Bohnenstange.

iscalandròne , agt, nm: scalandroni Definition chi o chie est artu meda e istrígile de carena, cannàile; dhue at logu chi est s'iscala po pesare a su pitzusostru, o fintzes genia de iscala po pigare cosa Synonyms e antonyms caillone, cannainzu, giangalloi, iscalabrone, iscannainzadu, longariete, stinghiritzu | ctr. introssiu Scientific Terminology zcrn Etymon itl. scalandrone Translations French grand escogriffe English lanky fellow Spanish larguirucho Italian spilungóne German hochaufgeschossenheit.

paesànu , nm: paisanu Definition chie est de sa matessi bidha de s'àteru Sentences ma ite dhis as fatu a is paesanos tuos? ◊ a bighinu bi tenzo unu paesanu tou ◊ cheigau, no conoscis mancu is paesanus tuus?! ◊ in su trinceramentu at acatau medas paesanos Translations French pays, compatriote English fellow villager Spanish paisano Italian compaesano, concittadino German Landsmann.

«« Search again