Ditzionàriu in línia
de sa limba e de sa cultura sarda

allescinài , vrb: alliscinai, liscinai Definition nau de css. cosa, su si mòvere o andhare a tragu in logu lisu (o de cosa lisa), mescamente orruendho (foedhandho de unu), candho no faet a pònnere su pei in firmu o arrèschere unu pagu Synonyms e antonyms cadriare, fugire, illascinare, illigigare, illiscigare, iscadriare, iscalusciare, istrissinare, lascinare*, lassingiare, lissiai 1, lissiniri, rascinare, sliscinai Translations French glisser English to slide Spanish deslizar, resbalar Italian scivolare German rutschen.

alliscinàda , nf: liscinada Definition su illascinare, orruta giada illascinandho Synonyms e antonyms fuzida, illiscigada, illiscinada, iscadriada, istrogada, lascinada Etymon srd. Translations French glissade English slide Spanish resbalón Italian scivolata German Rutsch.

cadriàre , vrb Definition andhare, mòvere in pitzu de unu logu lisu chentza ndhe pesare is peis Synonyms e antonyms allescinai, fugire, illascinare, illiscigare, iscadriare, iscalusciare, istrissinare, lascinare, lassingiare, lissiniri Translations French glisser English to slide Spanish deslizar Italian scivolare, sdrucciolare German rutschen.

desmuronài , vrb Definition su che calare unu muroni, una trema, sa terra de asuba a giosso a muntone mannu Synonyms e antonyms immarginare, irrainare, irribbare, istremenare, sfossonai, smuronai Etymon spn. Translations French ébouler, s'ébouler English to slide (down) Spanish desmoronar Italian smottare, franare German abrutschen.

diapositíva , nf Definition fotografia fissada in s’imbidru de dha pòdere projetare e bíere in sa lughe, ma fintzes àteru de ammostare coment’e diapositiva Translations French diapositive English slide Spanish diapositiva Italian diapositiva German Diapositiv.

fugíre, fugíri , vrb: fuzire Definition andhare illascinandho, mòveresi o mòvere a tragu, nau mescamente de cosa chi no est firma, chi est in cosa o logu lisu; fintzes trantzire, istesiare apostadamente / fàiri su fugivugi = andhare o mòeresi a fuzidura, alliscinendi; fugire una cosa = tasire una cosa, lassàrela a tempus addainanti Synonyms e antonyms allescinai, cadriare, illascinare, illiscigare, iscadriare, iscafuzire, istrissinare, lascinare, lassingiare, lissiniri, sfugiri / istregire Sentences at fuzidu e si at fatu male ◊ so fuzidu in s'astrau ◊ faghindhe s'isterzu mi ch'est fuzidu su piatu dae manos ◊ at fugiu e ist orrutu puru 2. o is de Cortigedha nci fugint sa diga a una parti, o cinono nci fugint s'erriu prus adhai! Etymon itl. (s)fuggire Translations French glisser English to slide Spanish resbalar, deslizar Italian scivolare German gleiten.

fuzidórzu , nm Definition logu inue faet a illascinare, s'iscràdiat Synonyms e antonyms illassinatorju, illiscighina, iscadriadógiu, lascíngiu, rascinadolzu, trauladorzu / cdh. buscicatógiu | ctr. arraspiosu, aspru Scientific Terminology slg Etymon srd. Translations French lieu glissant English slide Spanish tobogán, lugar resbaladizo Italian scívolo, luògo scivolóso German Rutschbahn, rutschiger Ort.

illascinàre , vrb: illassinare, illassinzare, illassizare Definition nau de css. cosa, su si mòvere o andhare a tragu in logu lisu (o de cosa lisa), a illascinadura, mescamente orruendho, candho su pei no abbarrat postu firmu Synonyms e antonyms allescinai, illiscigare, illuscigare, iscadriare, iscrafuzire, istrissinare, lassingiare, lissiai 1, lissiniri, rascinare Sentences prus atintzione aiant postu passanne in su ponte de ferru ca podiat fàghere illassinzare sos cadhos ◊ in su mudore de sa cussorza s'intenniat solu su cróculu de sa funtana pàsida illassizanne ◊ passaiamus tota sa die gioghendhe a boces de nie, proendhe fintzas a illascinare in calchi faladolza Etymon srd. Translations French glisser English to slide Spanish deslizar Italian sdrucciolare, scivolare German gleiten, rutschen.

iscadriàda , nf Definition su iscadriare, orrutòrgia a illascinadura Synonyms e antonyms alliscinada, dissallida, fuzida, liscigada, scrantiada Sentences Maria si at segadu su cadinu torrendhe dae s'abba…: in sa falada pítzigat custa fea iscadriada, ch'est ruta a costa longa in su terrinu (A.Bocchinu) Etymon srd. Translations French glissade English slide, fall Spanish resbalón Italian scivolata, scivolóne German Rutschen, Rutsch.

iscadriadógiu, iscadriadórzu , nm Definition logu inue s'iscàdriat, si illascinat, lisu de illascinare Synonyms e antonyms fuzidorzu, illassinatorju, istrisinadorzu, rascinadolzu Etymon srd. Translations French toboggan English slide Spanish tobogán Italian scìvolo German Gleitbahn.

isteremàre , vrb: istremare 1 Definition fàere a tèrema, a trèmene, calare sa trema, orrúere sa terra a tretu mannu a bàsciu in logu de costera Synonyms e antonyms desmuronai, immarginare, irribbare, istremenare, smuronai Etymon srd. Translations French s'ébouler English to slide down Spanish desmoronarse Italian smottare, franare German abrutschen.

istremenàre , vrb Definition su orrúere solu solu de unu trèmene, de unu muroni de terra de pitzu a bàsciu, fintzes calare a bàsciu nau de unu andhare, de unu camminu in logu de costera; tròchere, isciusciare su trèmene comente faet chie furat terrenu ispostandho sa làcana, ma fintzes su èssere a làcana de pare cun ccn.; rfl. nau de unu, nàrrere isciolórios, ammachiare Synonyms e antonyms desmuronai, immarginare, irribbare, isteremare, smuronai Sentences cun custas abbas aira su logu est totu istremenendhe 2. seo mirandhe sos caminos artziandhe a sos montigos e cussos istremenandhe a badhe 3. sa tanca tua istrèmenat cun cussa de Fulanu Etymon srd. Translations French s'ébouler, franchir les limites English to slide down, to digress (from sthg) Spanish desmoronar, invadir Italian franare, sconfinare German abrutschen, einfallen.

lascinàda , nf: lassinada Definition su lascinare Synonyms e antonyms alliscinada, dissallida, fuzida, iscadriada, lassinzada, liscigada, líssiu / cdh. busciconi Sentences s'ispuma naschet dae sa lascinada de s'undha chena pasu e contu, in su mare Etymon srd. Translations French glissade English slide Spanish resbalón Italian scivolata German Gleiten.

lassingiàre , vrb: lassinzare, lossingiai, lussinzai Definition andhare o mòvere chentza pòdere arrèschere, chentza pòdere agguantare su pei firmu Synonyms e antonyms allescinai, illascinare, illiscigare, iscadriare, istrissinare, lascinare*, lissiniri Sentences sa matzoca mi nc'est lossingiada de manus Translations French glisser English to slide Spanish resbalar Italian scivolare German gleiten.

liscínu , nm Definition logu inue si podet illascinare e orrúere illascinandho Synonyms e antonyms alliscinadroxu, calangiossa, fuzidorzu, illassinatorju, iscadriadógiu, lascíngiu, làssinu, rascinadolzu Sentences in su liscinu de Sa Roca tzichírriant is arrodas de su carru Etymon srd. Translations French glissière English slide Spanish tobogán Italian scìvolo German Gleitbahn, Rutschbahn.

rascinadólzu, rascinadòrza , nm, nf Definition logu inue si podet illascinare, fatu po illascinare o fintzes comente dhu faet s'abba chi calat in logu de monte, oe fintzes fatu apostadamente po giogare is pipios Synonyms e antonyms fuzidorzu, iscadriadógiu, trauladorzu Sentences s'ozu faghet diventare sas carrelas rascinadolzas ◊ su ciogu chi lis piaghiat de piús fit a andhare a sa rascinadorza: podiant istare oras e oras falendhe e arciendhe Etymon srd. Translations French glissoire English slide Spanish tobogán Italian scívolo German Rutschbahn.

smuronài , vrb Definition su che calare o orrúere unu muroni, unu trèmene, sa terra de pitzu a bàsciu a muntone mannu Synonyms e antonyms desmuronai, irrainare, irribbare, istremenare, sfossonai, spillai 1 Etymon spn. Translations French ébouler English to slide down Spanish desmoronar Italian franare, smottare German abrutschen.