Ditzionàriu in línia
de sa limba e de sa cultura sarda

allescinài , vrb: alliscinai, liscinai Definizione nau de css. cosa, su si mòvere o andhare a tragu in logu lisu (o de cosa lisa), mescamente orruendho (foedhandho de unu), candho no faet a pònnere su pei in firmu o arrèschere unu pagu Sinonimi e contrari cadriare, fugire, illascinare, illigigare, illiscigare, iscadriare, iscalusciare, istrissinare, lascinare*, lassingiare, lissiai 1, lissiniri, rascinare, sliscinai Traduzioni Francese glisser Inglese to slide Spagnolo deslizar, resbalar Italiano scivolare Tedesco rutschen.

alliscinàda , nf: liscinada Definizione su illascinare, orruta giada illascinandho Sinonimi e contrari fuzida, illiscigada, illiscinada, iscadriada, istrogada, lascinada Etimo srd. Traduzioni Francese glissade Inglese slide Spagnolo resbalón Italiano scivolata Tedesco Rutsch.

cadriàre , vrb Definizione andhare, mòvere in pitzu de unu logu lisu chentza ndhe pesare is peis Sinonimi e contrari allescinai, fugire, illascinare, illiscigare, iscadriare, iscalusciare, istrissinare, lascinare, lassingiare, lissiniri Traduzioni Francese glisser Inglese to slide Spagnolo deslizar Italiano scivolare, sdrucciolare Tedesco rutschen.

desmuronài , vrb Definizione su che calare unu muroni, una trema, sa terra de asuba a giosso a muntone mannu Sinonimi e contrari immarginare, irrainare, irribbare, istremenare, sfossonai, smuronai Etimo spn. Traduzioni Francese ébouler, s'ébouler Inglese to slide (down) Spagnolo desmoronar Italiano smottare, franare Tedesco abrutschen.

diapositíva , nf Definizione fotografia fissada in s’imbidru de dha pòdere projetare e bíere in sa lughe, ma fintzes àteru de ammostare coment’e diapositiva Traduzioni Francese diapositive Inglese slide Spagnolo diapositiva Italiano diapositiva Tedesco Diapositiv.

fugíre, fugíri , vrb: fuzire Definizione andhare illascinandho, mòveresi o mòvere a tragu, nau mescamente de cosa chi no est firma, chi est in cosa o logu lisu; fintzes trantzire, istesiare apostadamente / fàiri su fugivugi = andhare o mòeresi a fuzidura, alliscinendi; fugire una cosa = tasire una cosa, lassàrela a tempus addainanti Sinonimi e contrari allescinai, cadriare, illascinare, illiscigare, iscadriare, iscafuzire, istrissinare, lascinare, lassingiare, lissiniri, sfugiri / istregire Frasi at fuzidu e si at fatu male ◊ so fuzidu in s'astrau ◊ faghindhe s'isterzu mi ch'est fuzidu su piatu dae manos ◊ at fugiu e ist orrutu puru 2. o is de Cortigedha nci fugint sa diga a una parti, o cinono nci fugint s'erriu prus adhai! Etimo itl. (s)fuggire Traduzioni Francese glisser Inglese to slide Spagnolo resbalar, deslizar Italiano scivolare Tedesco gleiten.

fuzidórzu , nm Definizione logu inue faet a illascinare, s'iscràdiat Sinonimi e contrari illassinatorju, illiscighina, iscadriadógiu, lascíngiu, rascinadolzu, trauladorzu / cdh. buscicatógiu | ctr. arraspiosu, aspru Terminologia scientifica slg Etimo srd. Traduzioni Francese lieu glissant Inglese slide Spagnolo tobogán, lugar resbaladizo Italiano scívolo, luògo scivolóso Tedesco Rutschbahn, rutschiger Ort.

illascinàre , vrb: illassinare, illassinzare, illassizare Definizione nau de css. cosa, su si mòvere o andhare a tragu in logu lisu (o de cosa lisa), a illascinadura, mescamente orruendho, candho su pei no abbarrat postu firmu Sinonimi e contrari allescinai, illiscigare, illuscigare, iscadriare, iscrafuzire, istrissinare, lassingiare, lissiai 1, lissiniri, rascinare Frasi prus atintzione aiant postu passanne in su ponte de ferru ca podiat fàghere illassinzare sos cadhos ◊ in su mudore de sa cussorza s'intenniat solu su cróculu de sa funtana pàsida illassizanne ◊ passaiamus tota sa die gioghendhe a boces de nie, proendhe fintzas a illascinare in calchi faladolza Etimo srd. Traduzioni Francese glisser Inglese to slide Spagnolo deslizar Italiano sdrucciolare, scivolare Tedesco gleiten, rutschen.

iscadriàda , nf Definizione su iscadriare, orrutòrgia a illascinadura Sinonimi e contrari alliscinada, dissallida, fuzida, liscigada, scrantiada Frasi Maria si at segadu su cadinu torrendhe dae s'abba…: in sa falada pítzigat custa fea iscadriada, ch'est ruta a costa longa in su terrinu (A.Bocchinu) Etimo srd. Traduzioni Francese glissade Inglese slide, fall Spagnolo resbalón Italiano scivolata, scivolóne Tedesco Rutschen, Rutsch.

iscadriadógiu, iscadriadórzu , nm Definizione logu inue s'iscàdriat, si illascinat, lisu de illascinare Sinonimi e contrari fuzidorzu, illassinatorju, istrisinadorzu, rascinadolzu Etimo srd. Traduzioni Francese toboggan Inglese slide Spagnolo tobogán Italiano scìvolo Tedesco Gleitbahn.

isteremàre , vrb: istremare 1 Definizione fàere a tèrema, a trèmene, calare sa trema, orrúere sa terra a tretu mannu a bàsciu in logu de costera Sinonimi e contrari desmuronai, immarginare, irribbare, istremenare, smuronai Etimo srd. Traduzioni Francese s'ébouler Inglese to slide down Spagnolo desmoronarse Italiano smottare, franare Tedesco abrutschen.

istremenàre , vrb Definizione su orrúere solu solu de unu trèmene, de unu muroni de terra de pitzu a bàsciu, fintzes calare a bàsciu nau de unu andhare, de unu camminu in logu de costera; tròchere, isciusciare su trèmene comente faet chie furat terrenu ispostandho sa làcana, ma fintzes su èssere a làcana de pare cun ccn.; rfl. nau de unu, nàrrere isciolórios, ammachiare Sinonimi e contrari desmuronai, immarginare, irribbare, isteremare, smuronai Frasi cun custas abbas aira su logu est totu istremenendhe 2. seo mirandhe sos caminos artziandhe a sos montigos e cussos istremenandhe a badhe 3. sa tanca tua istrèmenat cun cussa de Fulanu Etimo srd. Traduzioni Francese s'ébouler, franchir les limites Inglese to slide down, to digress (from sthg) Spagnolo desmoronar, invadir Italiano franare, sconfinare Tedesco abrutschen, einfallen.

lascinàda , nf: lassinada Definizione su lascinare Sinonimi e contrari alliscinada, dissallida, fuzida, iscadriada, lassinzada, liscigada, líssiu / cdh. busciconi Frasi s'ispuma naschet dae sa lascinada de s'undha chena pasu e contu, in su mare Etimo srd. Traduzioni Francese glissade Inglese slide Spagnolo resbalón Italiano scivolata Tedesco Gleiten.

lassingiàre , vrb: lassinzare, lossingiai, lussinzai Definizione andhare o mòvere chentza pòdere arrèschere, chentza pòdere agguantare su pei firmu Sinonimi e contrari allescinai, illascinare, illiscigare, iscadriare, istrissinare, lascinare*, lissiniri Frasi sa matzoca mi nc'est lossingiada de manus Traduzioni Francese glisser Inglese to slide Spagnolo resbalar Italiano scivolare Tedesco gleiten.

liscínu , nm Definizione logu inue si podet illascinare e orrúere illascinandho Sinonimi e contrari alliscinadroxu, calangiossa, fuzidorzu, illassinatorju, iscadriadógiu, lascíngiu, làssinu, rascinadolzu Frasi in su liscinu de Sa Roca tzichírriant is arrodas de su carru Etimo srd. Traduzioni Francese glissière Inglese slide Spagnolo tobogán Italiano scìvolo Tedesco Gleitbahn, Rutschbahn.

rascinadólzu, rascinadòrza , nm, nf Definizione logu inue si podet illascinare, fatu po illascinare o fintzes comente dhu faet s'abba chi calat in logu de monte, oe fintzes fatu apostadamente po giogare is pipios Sinonimi e contrari fuzidorzu, iscadriadógiu, trauladorzu Frasi s'ozu faghet diventare sas carrelas rascinadolzas ◊ su ciogu chi lis piaghiat de piús fit a andhare a sa rascinadorza: podiant istare oras e oras falendhe e arciendhe Etimo srd. Traduzioni Francese glissoire Inglese slide Spagnolo tobogán Italiano scívolo Tedesco Rutschbahn.

smuronài , vrb Definizione su che calare o orrúere unu muroni, unu trèmene, sa terra de pitzu a bàsciu a muntone mannu Sinonimi e contrari desmuronai, irrainare, irribbare, istremenare, sfossonai, spillai 1 Etimo spn. Traduzioni Francese ébouler Inglese to slide down Spagnolo desmoronar Italiano franare, smottare Tedesco abrutschen.