Ditzionàriu in línia
de sa limba e de sa cultura sarda

burdímini , nm Definition mamadina, cambos noos chi no bogant frutu ma creschent meda, in is matas Synonyms e antonyms pillonarxu Etymon srd. Translations French branche gourmande, gourmand, suçoir English young shoot Spanish rama joven Italian succhióne German Geiztrieb, Geiz.

calabrína , nf: calarina, calavrina, caralina Definition ebba pitica, asuta de is duos annos ma de pòdere cicire (a/c.: si narat fintzes coment'e agt.: annigru, tentorzu calarinu = cuadhedhu de unu o duos annos, pudhecu) Synonyms e antonyms acheta Sentences andho a bèndhere calarinas e pudhedros de annu ◊ sa calarina in currella donzi cadhu at superadu…◊ so dego sa calabrina rude mala a domare! ◊ si mi morit sa caralina so arruinadu 2. colaiat in costanas de istradone trotuliendhe che calarina a manizu Scientific Terminology anall Translations French pouliche, jument English young mare Spanish yegua pequeña Italian cavallina, giuménta German junge Stute.

giòvanu , agt, nm: giòvono, giòvonu, giòvunu, zòbanu Definition chi o chie est minore de tempus, no tanti mannu, nau de gente e fintzes de matedu e animales Synonyms e antonyms minore, piciocu, pisedhu 3 / cdh. ciòanu | ctr. béciu, becru, mannu Sentences un'ànima no est ne giòvuna e ne bècia ◊ fit sanu e giòvunu in fortzas de istrumpai unu malloru ◊ sa giana prus giòvona at arregalau una launedha a su fradi prus piticu ◊ sa crassi prus giòvona mandada a fai sa guerra festus totus piciochedhus ◊ mama mia, mancai giòvona e forti, fut una fémina fiuda cun duas pipias de pesai 2. su giòvono fut abbistu ◊ cussu fut su bisu de unu giòvanu ◊ custa est cosa chi poneus in iscritu po dha lassare a is giòvonos Etymon itl. giovano Translations French jeune English young (man) Spanish joven Italian gióvane German jung.

pedrigàna , nf: perdigana Definition pudhighinu de perdighe Synonyms e antonyms perdigolu Etymon ctl., spn. perdigana Translations French perdreau, jeune perdrix English young partridge Spanish perdigón, perdigana Italian perniciòtto German Rebhühnchen.

pilócu , nm Definition piciochedhu fintzes a is dóighi, tréighi annos Synonyms e antonyms piciochedhu, pillosu*, pisedhu 3 Sentences apo colau sos annos de pilocu apare cun mannoi meu Translations French petit garçon English young boy Spanish niño, mozo Italian fanciullo, ragazzino German kleiner Junge.

predischédhuru , nm Definition preideredhu, preide giòvono Synonyms e antonyms Etymon srd. Translations French jeune prêtre English young priest Spanish cura joven Italian pretino German junger Priester.

preustínu , nm Definition mata manna ma giòvona, bella e dereta, chi nemos dhi at betau manu a ndhe segare cambos, mai tocada, ínnida Synonyms e antonyms fraustinu Sentences s'àrbure piús nébida e fozida as truncadu in netu ancora preustinu ◊ preustinos ínnidos podiant contare àteros contos cun raighinas tuas seculares! ◊ mastru Tilipu faghiat iscalas de carru dae preustinos tènneros che sa chera Translations French fût lisse English stem, young tree Spanish árbol, planta joven Italian fusto, pianta gióvane German Stamm, junger Baum.

pudhichína , nf: pudhighina, pudhigina Definition min. de pudha: pudha pitica, giòvona Synonyms e antonyms gadhina, pillonedha, pixona, pudhasta, pudhighedha Translations French poulette English young hen Spanish gallina joven Italian gallinèlla German kleine Henne, junge Henne.

sutzòne , nm Definition pigionatzu, cambu nou chi che suspit tropu abba, in is matas; bobboi de su trigu Synonyms e antonyms burdímini / alguzone, gruguglioni, ilguzone, orguloni, suzone Etymon srd. Translations French branche gourmande, suçoir English young shoot Spanish chupón Italian succhióne German Geiztrieb.

tentógliu , nm: tentórgiu, tentorju, tentorzu (f.-a) tintógliu Definition prus che àteru, vitellu (ma fintzes àteru animale) de duos a tres annos, bonu de domare Synonyms e antonyms nobedhu, traiscone / anníciu, pudhéricu Sentences forte annijat adhae su tentorzu ◊ li aggradaiat a cúrrere a cadhu e pro custu cheriat domare su tentógliu ◊ regollet sa fraschera, sa bértula e si ndhe andhat a cadhu de sa tentorza Etymon srd. Translations French bouvillon, taurillon, bête de somme English steer, young bull Spanish ternero, jumento Italian giovènco, torèllo, giuménto German junges Rind, Saumtier.