Ditzionàriu in línia
de sa limba e de sa cultura sarda

acirràda , nf: acirrara Definition afracada, lómpia de calecuna o cun calecuna cosa de botu, a cropu, de istrémpiu, móvia totinduna, e pigat diferentes significaos segundhu cun ite si faet: camminandho, fintzes impunnada abbia a calecunu logu, a punta apitzu; nau de logu, chi est in artzada meda (o in calada) Synonyms e antonyms acollada, afracada, assuprida, colpu, cracada, imporrada, lómpia / ingullida, ingúrtia, intullada / abbasciada, achirradorzu, ampuada, caladògia, falada, faladorza Idioms csn: bufai una tassa de cosa totu a una a. = totu a un'ingullida; a. de àcua = próida, iscutinada de abba; a. de gortedhu = punta de lepa, istocada; a. de fruta = bentre o manigada de frutuàriu; a. de fuedhus = briga Sentences immoi pigu sa crocoriga e mi fatzu un'acirradedha de binu ◊ eus pràndiu e giai sciamigau: seus po dhi giai sa segunda acirrada! ◊ dh'at donau un'acirrada de gortedhu ◊ a su cuadhu dhi at donau un'acirrada de isproni ◊ dhi at donau un'acirrada de cosa, a sa pobidha!… 2. a dónnia acirrada de cantu sighiat su prantu de is féminas Etymon srd. Translations French assaut English assault Spanish asalto Italian assalto, scàrica German Angriff, Ladung.

acrassaméntu , nm Synonyms e antonyms acrassadura, acrassu, irrobbatóriu, sdorrobbatóriu Etymon srd. Translations French vol English robbery Spanish atraco, asalto Italian rapina German Raub.

afracàda , nf Definition su afracai, su giare a susu a ccn. o a calecuna cosa po iscúdere, fàere male, dannu, o fintzes pigare a boghes, a briga Synonyms e antonyms acirrada, acollada, afracamentu, assuprida, colpu, infilipada, lómpia Sentences scerada, dh'at a agiudai s'umori bellu de su babbu, tanti dh'at fatu un'afracadedha!… Etymon srd. Translations French attaque English attack Spanish ataque, asalto Italian attacco German Angriff.

afracaméntu , nm Definition su afracai Synonyms e antonyms afracada, incipida Etymon srd. Translations French assaut English assault Spanish asalto Italian assalto German Angriff.

assachínzu , nm: assachizu Definition su assachizare, atacu armau po furare Synonyms e antonyms acometu, assachiada, assachizamentu, sartillu 1 Sentences sos bandhidos essiant armados pro fàghere assachizos ◊ de s'assachizu de sos bardaneris s'arriscu fit prus grae de su triballu Etymon srd. Translations French assaut, attaque English assault Spanish asalto, saqueo Italian assalto, sacchéggio German Angriff, Plünderung.

assàltiu , nm Definition su betare is manos a unu a ndhe dhi furare sa cosa Synonyms e antonyms acollada, acometu, afracada, assuprida, colpu, lómpia, sartillu 1 Etymon srd. Translations French assaut, attaque English attack Spanish asalto Italian assalto German Angriff.

assuprída , nf: suprida Definition su assuprire o lòmpere a unu logu, ma mescamente su lòmpere, betare manu o giare a pitzu a unu o a calecuna cosa po atripare, furare, trebballare Synonyms e antonyms assuprimentu, benia / acirrada, acollada, afracada, colpu, infilipada, lómpia Sentences a s'assuprida mia deretu si est calladu ca no cheriat a l'intèndhere ◊ a s'assuprida totugantos ant saludadu su mastru 2. una bella assuprida li amus dadu oe, a su triballu: che ndhe amus fatu meda abberu! ◊ s'assuprida chi li at fatu lu at lassadu biaitu meru Etymon srd. Translations French assaut, attaque English attack Spanish asalto Italian assalto German Überfall.

lómpia, lómpida , nf Definition su lòmpere, su arribbare, acostia chi si faet cun lestresa a unu logu; acollada, afracada chi si giàt a unu o a una cosa de mala manera Synonyms e antonyms drémpita / acostada, arribbada, assuprida, giómpida / acirrada, acollada, afracada, colpu Sentences fato una lómpida a campu a bídere su laore ◊ fato una lómpida a domo a bídere ite sunt faghindhe sos pitzinnos ◊ mira ca soi fendi sa lómpia agantu de Luiginu, po intendi si cras movit a Castedhu ◊ s'imbriagu, sa lómpida a domu murrúngius e certus! 2. li faghet una lómpida… bi ndhe aiat pro isse e pro àtere, a corpos de fuste! ◊ arratza de lómpida chi l'azis fatu a su casu fatu… azummai no bi ndhe aizis lassadu! Etymon srd. Translations French arrivée, assaut, attaque English arrival, finish, assault, raid Spanish llegada, asalto Italian arrivo, assalto, incursióne German Ankunft, Angriff.

sdorrobbatóriu , nm: idorrobbatóriu* Definition fura manna fata cun sa fortza e cun is armas Synonyms e antonyms acrassamentu, arrelantzu, bardana, fura, irrobbatóriu, ladratzonia, ladroneria, sdorrobbu, torrobbatóriu Sentences iat capitau chi iant fatu unu sdorrobbatóriu e is bandidus fiant aprobiaus a campusantu po dividí sa fura Translations French vol à main armée English robbery Spanish atraco, asalto Italian rapina German Überfall.