Abbreviations Legenda | Symbols Legend

cípu , nm: tipu 1, tzipu Definition su pei de linna inue est postu s'incúdine; orrugu grae de linna chi poniant a peis a is presoneris / c. de sabbateri = ue su catolaju ponet sa sola pro la corpedhare Synonyms e antonyms incipu Etymon itl. Translations French bûche English stub Spanish tuero, cepa Italian céppo German Amboßklotz.

cocína , nf: cotzina, cucina Definition su fundhale cun totu is arraighinas, mescamente de una mata, de una tupa (in sa bide est fintzes su fundhu a fora, su truncu foras is pudas e sa pértiga noa); nau de unu, chi est malu a cumprèndhere o chi no bolet cumprèndhere Synonyms e antonyms cossighina, cotzigone, cotzinàrgiu, mola, tzompa 2. tocadhi sa manu, cotzina! ◊ cun totu custu tussi seu surda che cotzina Surnames and Proverbs smb: Coccina, Cotzia, Cozzia Scientific Terminology rbr Etymon srd. Translations French bûche English log Spanish cepa Italian ciòcco German Baumstumpf.

cossighína , nf: cotichina, cotighina, cotzichina, cotzighina, cotzigina, cutzichina, cutzighina Definition sa parte de is arraighinas, mescamente de una mata, de una tupa (bona fintzes po fàere pipas, segundhu sa linna); bufóngiu a tropu de pigare sa conca Synonyms e antonyms cocina, coighina 1, mola, motzighina, tzompa / coichina, imbreachera Sentences cotichina de castannarju, de chessa, de ghidhostre ◊ su linnaresu essit in chirca de linna bregadina: chimuza, cotichina, frastamaza 2. a unu tusorzu Bodale at leadu una cotzighina gai forte chi ancora ndhe faedhant, in bidha ◊ s'at picau una cotichina e andhabat a rodinu che gradharone Scientific Terminology rbr, upm Etymon srd. Translations French bûche, souche English log Spanish cepa Italian ciòcco, ceppàia German Strunk.

frobbàdu , nm Definition una calidade de àghina bianca, e de binu, chi assimbígiat a su nuragus Translations French raisin "torbato" English kind of white grapes Spanish cepa de uva blanca y el vino que da Italian torbato German eine sardische Wein sorte (trauben).

fundàbi , nm: fundali, fundhale, funnale Definition su tretu de fundhu (mescamente su tretu prus bàsciu in su truncu de matas mannas, fintzes de domos), su tretu prus atesu (fintzes de unu possessu, su tretu a s'àtera bandha de s'intrada), sa parte prus in fundhu de su mare, de unu muru, in terra, e su fossu puru; logu chi faet a badhe, bàsciu e in paris che a sa cea, ma prus úmidu, peale de monte; sa síngia o erriga chi si paret tra terra e aera, atesu (si narat prus che àteru pl.); in sa carena, su tretu de is nàdigas; su fundhurúgiu, mescamente su chi faent unas cantu cosas postas in istrégiu; logu de matas (fundhos) Synonyms e antonyms fundhache, fundhera, fundhu / imbasamentu / badhe / feche / padente / ttrs. fundari Idioms csn: fundali de àcua = poju, paule de abba, garropu, fundagu; fundhale de àrbure = su chi abbarrat in terra, paris cun sas raighinas, de un'àrbure pustis segada; su fundhale de s'ulicra = su fossighedhu suta de s'origra; su fundali de sa massa (laore) = su trigu de fundhu, in terra, in s'arzola Sentences tue depes èssere issiu dae su fundhale de s'iferru, ghetadommos! ◊ sos fundhales de su mare sunt fungudos cantu prus si andhat a mesu ◊ ant fatu is fundhales de sa domo a picu e a pala ◊ eus bíviu in cussu frius de su fundabi de sa funtana ◊ pigai s'ànima sua e ghetaincedha a fundali! 2. est in su fundali pascendi is brebeis 3. sos fundhales sunt rujos ◊ a iscurigadroxu su fundali no s'iscerat prus ◊ s'ispacat s'aera che melagranada, fundhales biaitos s'iscavacant ◊ su funnale cara a Tíana est inniedhigannosi 4. non papat pisci po no s'isfundi su fundali ◊ custas mudandas parint piticatzas po su fundali tuu 5. chin s'ape issos cherent isfrutare sos frores de su fundhale pro buscare leu e chera, papa e mele Scientific Terminology slg, crn Etymon srd. Translations French vallée, horizon, souche English valley, horizon, stump Spanish valle, horizonte, cepa Italian vallata, orizzónte, céppo German Talebene, Horizont.

fundhàrzu , nm Definition fundu de cosa prantada chi at fatu bellu, mannu, créschiu meda Etymon srd. Translations French grosse touffe English tuft Spanish cepa grande Italian gròsso césto o céspo German Büschel.

rabatzòne, rabatzòni , nm Definition fundhu de bide (mescamente andhau male, sicau) Synonyms e antonyms cocina, truigu Sentences pro su fogu batiat chimuza e calchi rabatzone Etymon ctl. rabassó Translations French cep de vigne English vine stump Spanish cepa de vid Italian céppo di vite German Rebenstamm.

tòa 1, tòba , nf Definition una genia de codrolinu, sa túvara de arena, tuveredha o cardulinu de bulletu Synonyms e antonyms cucumedhu, tuvaredha Scientific Terminology atn, Agaricus campestris Translations French psalliote champêtre English field mushroom Spanish champiñón, hongo de cepa Italian fungo prataiòlo German Wiesenchampignon.

truígu , nm Definition fundhu de bide, pitzu Synonyms e antonyms rabatzone Sentences est torradu cun sa béltula prena de truigos Translations French cep de vigne English vine stock Spanish cepa Italian céppo di vite German Stock.

tuvarèdha , nf: tuveredha, tuvuledha Definition una genia de codrolinu, sa túvara de arena Synonyms e antonyms toa 1 Scientific Terminology atn Translations French psalliote English meadow mushroom Spanish champiñón, hongo de cepa Italian fungo prataiòlo German Wiesenchampignon.

tzòmpa , nf Definition tzitzonedhu, su tretu ingrussau de s'arraighina ingrussau, pruschetotu de unas cantu matas, pagu pagu asuta de terra, a pígiu Synonyms e antonyms cioca 1, cocina, cossighina, cotzigone, mola, soca 1 Sentences depiat andhare a bogare tzompas ◊ sa chessa, s'ozastru, su castanzarzu faghent a tzompa, suta ◊ apo tribbulau tirandhe tzompas e carrendhe chessa Scientific Terminology rbr Etymon srd. Translations French bûche English log Spanish cepa Italian ciòcco German Baumstumpf.

«« Search again