Ditzionàriu in línia
de sa limba e de sa cultura sarda

annodadúra , nf: annuadura 1 Definition su annodare, su nodu Synonyms e antonyms prendhidura | ctr. isorbidura, snuadura Etymon srd. Translations French nouement English knotting Spanish anudamiento, nudo Italian annodatura German Verknüpfung.

annóu , nm: annuu, nú Definition lobu istrintu de calecuna cosa (longa) cun is càbudos intraos a s’imbesse chi faet a acapiare; tretu prus grussu de calecuna cosa, coment'e chi siat fata a nodu Synonyms e antonyms nodu* Idioms csn: annou de su tzugu = is nuxis, sa nuge de su gúturu, grogòcia; annou de mata = zenia de nodu chi bi resurtat in sos truncos de àrbure comente sas naes che daent in mesu incarnadas; annou currente = zenia de prendhidura chi isorbet cun fatzilidade; erba de cent'annoos = erba istérria, una creze de erba totu nodos Sentences capassu ses a fai s'annuu a sa corbata? Translations French nœud English knot Spanish nudo, nuez de Adán Italian nòdo, pómo d'Adamo German Knoten, Adamsapfel.

cadrànzu , nm Definition in su fundhu de sa bide, genia de nodu, de cambu chi no ant segau bene a paris Translations French loupe (excroissance de l'arbre) English lump Spanish nudo, habón Italian bitórzolo German Knolle.

ciócula , nf, nm: cióculu Definition genia de tzintzigorru, fintzes de mare, gioga de mare, cóciula; nodu de linna Synonyms e antonyms cocoi, croca / còcioba Sentences ciócula bódia, ciócula cena ◊ at a èssere ciócula de mare 2. su truncu, apenas l'apo abbertu, at mustradu cióculas piliesse Scientific Terminology crp, rbr Translations French limaçon, arche English snail, seashell Spanish caracol, nudo Italian chiòcciola, arsèlla German Schnecke, Muschel.

nódu , nm: nou, nudu Definition incropada o lobu istrintu de cosa chi faet a acapiare (codriola, ligatzu, fune o àteru) fatu a manera de poderare impare cosas diferentes o medas; foedhandho de sa carena, genia de gurone, de cosighedha tundha chi si faet, coment'e unu giúmburu, o fintzes ingrussadura de is annoigadòrgios o in àteru css. tretu de sa carena (es. in s'ischina) o fintzes de erbas e linnas ue bogant àteru cambu; foedhandho de linnas segadas, mescamente sa linna de su cambu o nae chi ch'est arresurtada in mesu de su truncu o nae prus grussa comente at sighiu a ingrussare: arresurtat a istúturu, faet un'àngulu cun su truncu, e segundhu comente benit segada si paret unu tretu tundhu diferente / erba de chentu nodos = erbastérria (Polygonum aviculare), erba de centus nuus = survache (Equisetum palustre) Synonyms e antonyms annou, nú / nodule Idioms csn: zenias de nodu: afissu, sizidu o istrintu, lascu, mortu o acugurrau (chi no s'isorbet o malu a isòrbere), curréntile o currente (chi sucurret), biu (de si pòdere isòrbere comente si tirat unu cabu); èssere allorigadu che unu nodu moltu = fatu a unu gantzu, própiu a lóriga; n. in bula = maladia de no ingullire, dispiaghere mannu chi paret de zúghere cosa in bula, fintzas carchi cosa in contràriu chi no si cheret baliare, no si atzetat; su n. o figu de sa bula = itl. pómo di Adamo; n. de s'ischina = vèrtebra; nodos de sa manu, de sos pódhighes, us nudus de us didus = annugradorzos, nògias Sentences torro gràssias a Deu chi apo atzapau sos nodos isortos ◊ sa lana si est imbojada e fata a nodu ◊ prendhe a nodu mortu chi no s'isorbat!◊ unu marzane tentu a lobu cricaiat de si fuire, ma prus si moviat e prus su nou istringhiat ◊ si m'at fatu unu nudu in buca de s'istòcomo 2. s’istrinta de manu sua fachiat tracare sos nudos de pódhiches de chie lu saludait 4. su nodu mortu chi aimus fatu in abbratzos si est pro sempre isortu ◊ su nodu de su piantu ti astringhiat sa bula ◊ s'istògomo lu zuto a nodu mortu e in buca no m'intrat alimentu Etymon ltn. nodus Translations French nœud, broussin English knot Spanish nudo Italian nòdo, nòcchio German Knoten.

ofédhu , nm Definition min. de ofu: nodighedhu chi si faet in sa lana filada (mescamente candho no est bona) Synonyms e antonyms budhuca, burroni 1, murutuledhu, nodichedhu, tzurunga Surnames and Proverbs smb: Offeddu Translations French petit nœud English small knot Spanish nudo pequeño Italian nodétto German Knötchen.

tintirría , nf Definition cucurra, genia de nodighedhu o lobitu chi si faet in su filu tropu atrotigau, si no est istirau a forte Synonyms e antonyms tzurunga Etymon srd. Translations French enchevêtrement English tangle Spanish nudo, enredo Italian grovìgliolo German Knoten.

trótzu 1 , nm Definition genia de nodu, cosa fata coment'e a nodu Synonyms e antonyms arrogu, bículu, mudruxone, murudhu, nodu, trónciu Idioms csn: unu t. de salia = carràschiu, ispudu; unu t. de merda = istruntzu, itl. scibala 2. si betaiat su trotzu in sa manu alliscendhe sa màniga de su picu!… Etymon srd. Translations French nœud English knot Spanish nudo Italian gróppo German Knoten.

tzurúnga , nf Definition cucurra, genia de lobu chi faet unu filu atrotigau meda si no si poderat istirau bene a forte Synonyms e antonyms ofedhu, tintirria, tulumba Etymon srdn. Translations French noeud English tangle Spanish nudo, maraña Italian grovìgliolo German Knoten.