Ditzionàriu in línia
de sa limba e de sa cultura sarda

abberrisonàre , vrb Definition de abberrisonare; chi est fatu a berrisone, totu intrau apare coment’e cambos de linna ispinosa Synonyms e antonyms agghirrisonare, trabojare, trebedhai | ctr. irbojare, istrepojare, strogai Sentences chentza ispizada tantas dies, sos pilos si li sunt totu abberrisonados Etymon srd. Translations French enchevêtrer, embrouiller English to tangle Spanish enmarañar, enredar Italian intricare German verwickeln.

annodítzu , nm Definition cosa totu nodos, intrada apare, atrobutzada Synonyms e antonyms imbógiu Sentences aciungiat istrobbu s'annoditzu de cungiaus e carreras Translations French entrelacement, enchevêtrement English tangle Spanish maraña Italian intréccio, grovìglio German Verknüpfung, Gewirr.

barasòne , nm: barisone, barrasone, barrasoni, barrisone, berrisone, erisone Definition nae de linna, de sida arrasposa e ispinosa Synonyms e antonyms arrasolu, bangazu, barrasolu, carrasprone, ghirrisone, istupu, mètere, rasitu, raspisone, tupisone / cdh. varrasoli Sentences cun berrisones, ruspisos e matas perdes tempus e pudas in debbadas ◊ fit s'ozastredhu ténneru naschidu: pariat unu síriu a prantone, ma curpa de no èssere inferchidu est torradu una tupa a berrisone (L.Marteddu) 2. bufa impresse, chi no b'at berrisones in cussu late! Surnames and Proverbs smb: Barisoni Etymon srdn. Translations French broussailles English a tangle of dry branch Spanish zarzal Italian sterpame German Gestrüpp.

farrambódhiu , nm Synonyms e antonyms cadaxédiu, maciamurru, matimbódhiu Sentences no ndhe sucediat mai de farrambódhios ca dónnia pastore si acussorgiàt agantu fut sèmpere istétiu Translations French embrouillement English tangle Spanish maraña Italian garbúglio German Flickwerk.

imbogiàre , vrb: imbojare Definition nau pruschetotu de filos o cosas deasi, betare apare a dónnia manera tanti chi apustis est difícile a tirare su càbudu; abbarrare coment’e acapiau, arréschiu in mesu de ccn. cosa o chistione; nau de una chistione, cunfúndhere, fàere difícile a cumprèndhere, ammesturare is argumentos, is cosas / mòere a s’imboja imboja = cun movimentos a inghiriadura, coment’e imbojendhe Synonyms e antonyms acugurrai 1, atrepillai, atrobodhare, batagugliare, imbodhiai, trabojare, trebedhai, trobillai, trobullai, trogai | ctr. irbojare Sentences imbóliga bene sa lana ca sinono s'imbojat, totu! ◊ no tires chentza ischire cale est su cabu ca s'imbojat! 2. pro unu pastore bi cheret pacu a che abbarrare imbojau in sos tadharanos de sa zustíssia Translations French embrouiller English to tangle Spanish enredar, enmarañar Italian aggrovigliare German verwickeln.

imbógiu , nm: imboju, imbozu Definition cosa totu betada apare Synonyms e antonyms atrepógliu, cugurra, imbodhicu, trobedhu, troboju, trochilla / camàndula, istibba Sentences chin sas manos pragadas de checas fungudas isorbo imbojos, peleas, medassas de tramas de iferru Etymon srd. Translations French enchevêtrement English tangle Spanish enredo, maraña (f) Italian grovìglio German Knoten.

intrebedhài , vrb: introbedhai Definition nau de cosa, de chistione, èssere o essire totu troboia, betada apare, difícile, mala a iscapiare o a cumprèndhere / i. sa língua = cufúndheresi faedhendhe, agatare difítzile a faedhare Synonyms e antonyms atrepillai, atrobodhare, atrobutzare, imbogiare, imbrabugliare, trabojare, trebedhai, trobodhicai Sentences sa chistioni est cumentzendi a s'introbedhai ◊ cussu s'intrebedhat fuedhendu ◊ fostei si nci est ammisturau e at introbedhau sa cosa ◊ mancu mali, a vostè no dh'introbedhat sa língua! ◊ cun custus dícius… issu est circandho de introbedhai totu is chistiones! 2. seu intrau in s'àcua e in cambas s'est intrebedhau unu cantu de erba de mari Etymon srd. Translations French brouiller English to tangle up Spanish enredar Italian ingarbugliare German verwirren.

morótulu, morótzulu , nm: morútule, morútulu, murótulu, murútule, murútulu, murútzulu Definition cosa ammurigonada, fata coment'e a nodu, a lómboru, a muntonedhu; una genia de gurone tostau chi si faet in sa carre (in sa pedhe); cosa imbodhigada, a logos murútzulu est fintzes pischedha de casu Synonyms e antonyms bículu, botzichedha, moróculu, morudhu, murúdhulu, tuturru, tutúriche, túturu / lórimu, màtulu / imbodhicu / ttrs. murótzuru Sentences unu murútulu de seda, de abes, de casu, de robba 2. li at essidu unu murútulu in su bratzu, zughet sa carena totu a murútulos 3. in buzaca zuchet semper unu murútule de poesias Translations French enchevêtrement, entortillement, emmêlement English tangle Spanish enredo, maraña Italian grovíglio German Knäuel, Knoten.

tintirría , nf Definition cucurra, genia de nodighedhu o lobitu chi si faet in su filu tropu atrotigau, si no est istirau a forte Synonyms e antonyms tzurunga Etymon srd. Translations French enchevêtrement English tangle Spanish nudo, enredo Italian grovìgliolo German Knoten.

trabojàre , vrb: trepojare, trobogiare, trobojare, troboxare Definition nau de cosa, de chistione, betare apare, ammesturare de no si cumprèndhere prus coment’est / trepojàresi favedhandhe = fadhíresi, cufúndheresi Synonyms e antonyms abberrisonare, aggadhionai, agghirrisonare, atrepillai, atrobutzare, imbogiare, impiligare, intrebedhai, trobodhicai, trobullai | ctr. istrepojare Sentences isse troboxat cuss'ignignoria de ancas in su tavolinu e bido su vaseto ruendhe! ◊ a troboxare sa limba a tie bi ndhe cheret! Translations French embrouiller English to tangle up Spanish enredar Italian ingarbugliare, intricare German verwickeln.

trebedhài , vrb: atrobedhai, trobedhai, trobedhare, tropedhai Definition nau de cosa, de chistione, èssere o essire betada apare, difícile, mala a iscapiare o a cumprèndhere; in cobertantza, cuncordare calecuna trampa, fàere cosa ingannandho s'àteru (e fintzes su si che fichire in mesu de calecuna chistione) Synonyms e antonyms abberrisonare, aggadhionai, atrepillai, imbogiare, intrebedhai, trabojare, trobodhicai, trobullai / ingannai, trampai Sentences dhis torrànt a sa memória, trobedhaus, is fuedhus de is giornalis chi ligiant ◊ cussu gei no si at a èssi atropelliau, no dh'at a èssi tropedhara sa língua! ◊ portat unu fuetu fatu de colorus e de coas de margiani trobedhadas apari ◊ abbastat unu fuedhu miu po aparixai is cosas trobedharas 2. coixedha si trobedhat in totu is cosas Translations French embrouiller English to tangle Spanish enmarañar Italian aggrovigliare German verwickeln.

trochílla , nf, nm: trochilli, troghilla, troghillu Definition cosa (mescamente de acapiare, coment'e fune) totu intrada apare a s'afaiu, trobedhada; cosa o chistione trobedhada, imbusticada, a bisura de troga e, nau in cobertantza, genia de ingannu chi si cuncordat a ccn. Synonyms e antonyms annoditzu, atrepógliu, cugurra, imbodhicu, imbógiu, trobedhu, troboju / camàndula, transa, troga Sentences est trochilli de cadenas ◊ custu est unu troghillu de cadenas istrintas ◊ cust'ómini est totu troghillus! 2. ita trochillas at a ai fatu, po mi ndi furai sa piciochedha, s'isprigu ’e totu vista?!…◊ de troghillas gei ndi teneus e medas bortas a su postu de s'Evangéliu nci poneus is tontidadis nostas Etymon srd. Translations French enchevêtrement English tangle Spanish enrollar Italian grovìglio German Aufwickeln.

tzurúnga , nf Definition cucurra, genia de lobu chi faet unu filu atrotigau meda si no si poderat istirau bene a forte Synonyms e antonyms ofedhu, tintirria, tulumba Etymon srdn. Translations French noeud English tangle Spanish nudo, maraña Italian grovìgliolo German Knoten.