Abbreviations Legenda | Symbols Legend

mémula , nf: mímula, mímulos, múmula Definition genia de murmutu ifadosu, cantighedhu, boghe o sonu no tanti fortes ma sighios; male, genia de doloredhu chi si sapit in sa carena, aintru (es. m. de coro, de istògomo) Synonyms e antonyms càntara 1, laredha, mumuliu, taja / ttrs. mímmura Sentences s'intendhet sa mémula de una cantone ◊ s'intendhet sa mímula de sos ribos ◊ cheres cantare sa mímula de sas chícheras ◊ s'intendhet coment'e una mémula: sunt sas pregadorias de sa zente ◊ ammuinada dae su caldu a múmulas de chígula ti drommias (G.Branca) 2. nosse, su dutore, no est dolore a su coro: una mímula est! Etymon srd. Translations French rhonchus English dirge, painful sensation Spanish cantilena, dolor en el pecho Italian rónco, nènia, sensazióne dolorósa German Röcheln, Geleier, kleiner Schmerz.

petorrúdu , agt Definition chi est de bona petorra, chi portat petorras mannas, de petus largu Scientific Terminology zcrn Etymon srd. Translations French forte de poitrine English broad-chested Spanish de pecho amplio Italian pettoruto German vollbrüstig.

pétus , nm Definition sa parte de ananti de su corporzale de su cristianu, nau siat de sa parte de fora e siat de sa parte de aintru, fintzes in su sensu de sinu, coro, ànimu (e de titas foedhandho de fémina); sa parte de ananti de unu bestimentu, sa chi calat in petorras Synonyms e antonyms petorra Idioms csn: sborciaisí su p. = irbutonàresi sas petorras de sa bestimenta, istare a petus nudu; late de p. = late de fémina; leare una cosa de p. = in prenu, cun totu sas fortzas, faghindhe totu su chi si podet; bènnere in petus de unu = tènniri abbisóngiu de s'agiudu de ccn., èssiri bàsciu su poderi de ccn., in pozos de ccn.; istare, istai a petus cun ccn. = rispòndhere chentza abbaidare in cara a neune, cun atza, chentza timire; a p. de… = aparagonau cun…, afaci a… Sentences candho deo t'istringo a petus meu mi sento subra 'e nues sullevare (P.Sulis)◊ si mi abberint su petus mi agatant in su coro s'afetzione tua! ◊ portu su coru stumbendi contras a su petus, timendi 2. sos petos de sa camijola sunt orizados de veta biaita 3. currendhe a tota fua at leadu de petus unu truncu e s'est bisestradu ◊ canta zente morit leada de petus dai sas màchinas!…◊ a petus insoro tue ses ancora che un'astru, che istella luminosa ◊ a petus de àteras istellas su Sole est minore ◊ cussu est malu che a su pudidinosu, ma si benit in petus de su tiu za lu addórdigat bene! ◊ no bi andho in petus de nessunu! Scientific Terminology crn Etymon ltn. pectus Translations French poitrine English chest Spanish pecho Italian pètto German Brust.

sínu , nm Definition sa carena de su cristianu prus che àteru in petorras: in sa fémina, cun prus precisione, su tretu de is titas, is titas etotu, nau cun prus crabbu; su coro de sa mola, a bisura de tita, a punta, chi intrat in s'istampu de sa túnica po ispartzire e fàere calare su granu Synonyms e antonyms petus Idioms csn: a murru in sinu = a conca bàscia po sa bregúngia; sinu de mari = cala, ischeadura de sa terra ue su mare si che intrat a mesu; lassari froriri su s. = muntènnere sas titas crispas e in artu de si pàrrere menzus Sentences apo seradu su coro maltedhèndhemi in su petus pariat chi si cheriat ispicare dae su sinu ◊ apo bidu una fémina tzachèndheche cosa in sinu a si la cuare 2. su cosseto dhu istringiant in cintzu cun is gàncius po lassari froriri su sinu armoniosu asuta de sa camisa Scientific Terminology crn Etymon ltn. sinus Translations French sein English breast Spanish pecho Italian séno German Busen.

speturriài , vrb: ispetorrare*, spiturriai Definition bogare is petorras fora ibbutonandho su bestimentu, ispogiare is petorras, istare a petorras nuas Synonyms e antonyms sborciai Sentences si spitúrriat sa camisa e nci fait arrui a terra su chi iat cuau in piturras Translations French découvrir sa poitrine English to throw off one's breast clothes Spanish despechugarse, descubrir el pecho Italian scoprirsi il pètto German die Brust entblößen.

sutolzànu, sutorgiànu, sutorjànu, sutorzànu , agt, nm Definition chi, o pipiu chi, est ancora suendho, chi suet meda Etymon srd. Translations French nourrisson English sucking, suckling Spanish niño de pecho, lactante Italian poppante, lattante German Säugling.

«« Search again