aíru , nm Definition su si airare, su fàere is cosas a s'airada, cun fortza, presse o passione meda Synonyms e antonyms arràbbiu, arrenigna, arrennegu, cardedha, febi, reghentia, sufúria / incanimentu Sentences s'airu de oe làssalu a cras! ◊ abbrandhade s'airu cun sa fua! ◊ no bi at gherras chi potant distrúere cantu s'airu de Deus ◊ airu est chi non tenes… si che ndhe aias bogadu aias fatu menzus! 2. lassade custu airu: a sa natura usàdeli rispetu! ◊ cantade sufochendhe s'airu de dogni gherra Etymon srd. Translations French colère English anger Spanish cólera, rabia, furia, ímpetu Italian còllera, accaniménto, fóga, veemènza German Zorn, Wut, Ungestüm.

ímpetu , nm: ímpidu, ímpite, ímpitu Definition genia de fortza chi unu si podet sentire in s'ànimu e chi si pentzat prus che àteru mala, de prepoténtzia Synonyms e antonyms foltza, impellériu, púntzia, santidu, trínnigu Idioms csn: ímpidos de fele = cadha de fele, arrennegu forte, ma fintzas sentidu malu, velenosu; èssere ómine de ímpetos = rebbestu, focosu, de ideas malas Sentences cussu est de ímpidu malu! ◊ lassade custos ímpidos: no fetedas disonore a s'arte! ◊ un'animali timiu est s'urtzu, ca no tenit ímpitu iscassu ◊ at tancadu sos ojos pro dare fortza e ímpidu a su carvedhu ◊ medas boltas custu pane e mele si bóltulat totu in ímpidos de fele ◊ bi l'at nadu chin cudhu ímpite… pro pagu no si bochit sa pisedha! Translations French élan, sentiment, impulsion English impetus, impulse, sentiment Spanish ímpetu Italian ìmpeto, sentiménto, impulso, frèmito German Wucht, Gefühl, Antrieb, Beben

infrusàda , nf: infusada, isfrusiada Definition su infrusai Synonyms e antonyms aciocu, aisada, anfrusada, imbistida, incannada / ispinta / acanarjada, bria, certu Idioms csn: a s'i. = debressi, currindhe; donai un'i. de cuadhu a unu = trubbaresili a cadhu, pessighírelu a cadhu; fai un'i. a unu = fàgheresi a bídere detzisu, arrennegadu Sentences agatat unu fossu prenu de àcua e pighendu una grandu infrusada ci sartat a s'atra parti 2. mi at biu sa infusara chi apu fatu e gi est sorigau avatu! ◊ sa genti ndi torrat de crésia a s'infrusada 3. at donau un'infrusada a sa porta po dha serrai Etymon srd. Translations French élan English rush Spanish ímpetu Italian slàncio, ìmpeto German Schwung.

«« Search again