biolèra , nf Definition cosa chentza giudu de chie istat chentza contu e chentza cabu Synonyms e antonyms fiolera*, frascheria, mancàssia Sentences a unu de sos frades l'aviant allimbau pro furas e bioleras ◊ Deus meus, Bos prumito chi apo a fàchere calesisiat sacrifítziu pro bínchere custas bioleras (S.Spiggia) Translations French frivolité, liberté, licence, dérèglement English frivolity, license Spanish frivolidad Italian frivolézza, licènza, sfrenatézza German Leichtfertigkeit, Zügellosigkeit.

fiolèra , nf: friolera, violera Definition cosighedha de pagu contu, de perunu importu, idea istrambeca, fatura pagu giusta / in sas fioleras = in gioventude (candho sa conca est pigada de sa divertera) Synonyms e antonyms biolera, bugeria, fiolesa, frascheria, gnagneria, minudàntzia / cdh. fiulera Sentences ti fato passare sas frioleras! 2. a betzos puru podimus cantare carchi cosa che candho fimus in sas fioleras 3. che aiat coladu tempus meda chena peruna fiolera e chena bi àere unu mortu istenegadu Etymon ctl., spn. friolera Translations French bagatelle, futilité English trifle Spanish frivolidad, bagatela Italian frivolézza, bagattèlla German Geringfügigkeit, Nichtigkeit, Bagatelle, Kleinigkeit, Lappalie.

locúra , nf: lucura 1, lugura 1 Definition fata o cosa de locos, de gente pagu sàbia, pagu abbista / learesila a lucura = a zogu, a brulla, chentza cabu Synonyms e antonyms arrevesciori, dortidúdine, machighinada, macheine, revessidade, revessura | ctr. sabiesa, sabiore Sentences pòvera conca: gríglios e luguras si sunt giambados in mughedhu sutzu (P.Casu)◊ canta cudhu cantu de sa tristura pro pibiu e pro lucura in cust'adhe de piantu! (A.Serra)◊ locura est chi presumant sos cocois ca giughent corros a pòdere arare (Cubedhu)◊ is lucuras fatas de is mannus tuus dhas tengu iscritas ◊ si no si ndh'at a àere frutu est locura su pagare! (F.I.Mannu) Etymon spn. locura Translations French sottise, frivolité, futilité English foolishness, trifle Spanish necedad, frivolidad Italian stoltézza, frivolézza German Dummheit, Frivolität.

violèra , nf: fiolera* Definition cosighedha de pagu contu, de perunu importu, idea istrambeca, fatura o fata pagu giusta, disonesta (mescamente in chistiones de onore) Synonyms e antonyms biolera, bugeria, fiolu, frascheria, pecadu Sentences béndhidu ti as su campu fioridu pro ti leare vanas violeras (M.Murenu)◊ ti faghes padronu in prepoténtzia e faghes, tzegu, milli violeras (P.Casu)◊ cussos sunt malàidos malos a sanare chi si betant a milli violeras! ◊ cussu pitzocu est prenu de violeras in conca: immoi anca est totu imbideau de si comporai una motozicreta! Translations French bagatelle, futilité English trinket Spanish friolera Italian bazzécola, frivolézza German Lappalie, Nichtigkeit.

«« Search again