bòvo , agt, nm: bovu Definition nau de ccn., chi si lassat pigare in giru, si lassat cullonare / faisí su b. = fàghere finta de nudha, betàresi a tontu Synonyms e antonyms billella, bovatzu, bovete, brabballu, bucamindotu, gongoatzu, lollòi, matacaleo, noscentone, scimprotu, tontassu Sentences càgliadi, bovo, già ti do su médiu si no ischis su contu de leare! ◊ a chini fait su bovu dognunu dh'apetigat ◊ bova, bi devias pensare prima! ◊ curiosa dieta Semprónia gliusca, simplota e bova ◊ a sos bovos lis faghent crere una cosa pro un'àtera ◊ lassant is pipius a solus ananti de cussa incanta bovus de televisioni! (P.Pisu) Scientific Terminology ntl Etymon ctl., spn. Translations French simplet, nigaud, gauche English clumsy, sucker Spanish bobo, tonto Italian sempliciòtto, gòffo German Dumme, plump.

dàngaru , nm: dràngalu, tàngaru Definition ómine mannu mannu, artu, male fatu, pagu crabbau e pagu sàbiu Synonyms e antonyms càngaru, dangallone, dangarone, giangalloi Sentences debberone dràngalu ch'est, ma de conca, balla!… Scientific Terminology zcrn Etymon itl. tanghero Translations French gros homme maladroit English big and clumsy man Spanish hombre grueso y torpe Italian uòmo gròsso e gòffo German ungeschlachter Mensch.

isambesciàdu , agt: isciambesciadu, isciumbesciadu, isombessadu, sciumbesciadu Definition chi est iscumbessu, malegónciu, andhau male Synonyms e antonyms imbelédhidu, ispaporedhau / iscumbessu, malacónciu Sentences custos sunt muros isambesciados ◊ ancora mi piaghet de godire, mancari sia totu isombessadu e andhe a sos muros arrambadu Translations French croulant, grossier, gauche English unseemely, clumsy, falling Spanish ruinoso, decrépito, chocho Italian cadènte, sguaiato, gòffo German hinfällig, unmanierlich, plump.

istrambécu , agt: istrembecu, strambecu Definition nau de ccn., chi est de ideas e cumportamentos pagu aderetzaos, pagu giustos, no solu diferentes de comente si costumat ma chentza un'arrexone bene cunsiderada / a s'istrembeca = male, comente faghet un'istrambecu Synonyms e antonyms ildeoltu, isambesciadu, istrambocu, istrambóticu, sciambrecu, strólicu / stramballau Sentences est prenu de criaduras chi a sa lughe de su súlfaru cumparent feas e istrambecas ◊ un'ispíritu intràt in su corpus de sa persone e dhi faiat fàere cosas istrambecas ◊ sderrigau in s'arrosu ti agatint… ge ses istrambecu bellu!… 2. medas ischescint sa limba sarda bèni fuedhada po allegai a s’istrembeca cussa italiana Translations French étrange, gauche English clumsy, queer Spanish estrafalario Italian gòffo, strano German plump, seltsam.

manàgu , agt, nm Definition persona de pagu contu, chi no est de pònnere in càrculu, chi si lassat pigare in giru, chi no est bonu a nudha, istrossa Synonyms e antonyms bovo, cocollodho, cumbessu, dissalliu, drodhe / ildeoltu, stramu / cartzellete, fardugu, lertone | ctr. àbbile Sentences managu dèu ca no seu bonu a fai nudha! ◊ trabballendu, si fut acatau ca managu no fut ◊ mancai sia unu pagu managa, sa bestimenta ti dh'arràngiu dèu ◊ ses tui su managu chi arrogat is tassas isciacuendidhas!◊ chini at fatu custu trabballu fut managu: lah, totu fatu mali est! Scientific Terminology ntl Etymon spn. monago Translations French incapable, nigaud, balourd, niais English clumsy, foolish, incompetent, idiot Spanish bobo Italian gòffo ed inètto, incapace, babbèo German dumm, Tölpel.

«« Search again