Ditzionàriu in línia
de sa limba e de sa cultura sarda

gannidúra , nf Definition su gannire de su cane, su istare gannindhe Synonyms e antonyms gànnidu, túnchiu Etymon srd. Translations French gémissement, glapissement English whining, howling Spanish gañido Italian mugolaménto German Winseln.

ganníre , vrb Definition su istare a tzúnchios, nau de su cane e de su margiane; nau de gente, abboghinare po dolore forte Synonyms e antonyms gannitare Sentences in cue bi gannit su matzone a s'impudhile ◊ gannit su cane ◊ si no fit pro su gannire de carchi marjane, su mutine de cussu locu fit istatu ispantosu Scientific Terminology bga Etymon ltn. gannire Translations French glapir English to yelp Spanish gañir Italian gagnolare German winseln.

giangiulàre , vrb Definition su tzunchiare, su lamentu chi faet su cane candho est sufrendho meda Synonyms e antonyms corojare, gruiri, torrunzare, turulare, tzunchiai Scientific Terminology bga Etymon srd. Translations French glapir English to squeak, to howl Spanish gañir Italian guaiolare, mugolare German winseln.

órulu , nm: úrrulu Definition genia de gugúliu de su cane, chi abbóghinat illonghiandho sa boghe, boghes unu pagu orrorosas de àteru animale (es. margiane); boghes, gridas de gente, moida forte a súrbiu, mescamente de is bentos / pesàresi a órulos Synonyms e antonyms abélidu, agrugu, coroju, giàngiulu, gràliu, gurrúliu, zàrulu / grida, ólchidu Sentences a s'órulu de su cane fint inie aes e feras ◊ s'intendhet órulos de catedhu ◊ parent órulos de mariane famiu 2. sa bidha fit torrata unu burdellu niedhu chin prantos, órulos, protestas e minetzas ◊ l'ant piantu a órulu in sa losa Etymon srd. Translations French hurlement, glapissement English shout, squeak Spanish gañido, aullido, grito Italian urlo, guaito German Winseln, Jaulen, Schrei.

rànzida , nf Synonyms e antonyms morrugnu, ranzera Sentences pariat cane a rànzida cun ossu Etymon srd. Translations French glapissement, jappement English mumbling, howling Spanish gemido Italian mugolìo, ustolìo German Winseln.

torrunzàre , vrb: torunzare, turrunzare, turunzare Definition giare a bíere is dentes comente faent is canes ammeletzandho de de mossigare Synonyms e antonyms corojare, orulare, torojare, tunchiare / chensare, morrugnare 2. bi at carcunu chi turunzat e narat de no àere sorte ◊ bi at carcunu chi si turunzat e narat de no àere sorte Translations French geindre, glapir English to howl Spanish gañir, gruñir Italian mugolare German winseln.

tunchiàre , vrb: atunchiare, ciunchiare, (túncia túncia, pro túnciare = nr. tunciatúncia, protunciàre) tunciare, tzunchiai Definition istare o èssere a tzúnchios mescamente po dolore, maladia, ma fintzes po gosu; su si chesciare, istare a lamentu po calecuna cosa chi no andhat comente si iat a bòllere; su abboghinare de su cane candho dhu cracant Synonyms e antonyms agemenai, bemire, chesciai, grèmmere, intzunchiai, nitzulare / muschiare, musci Sentences bidèndhemi atristadu, finas sas pedras túnciant pro su dolu ◊ ruet sentza alas in terra, brujendhe, túncia túncia, cansada e chimerendhe 2. ant terrinu meda, ma túnciant pibièndhesi de no ndhe àere cantu bastat ◊ sos pòveros túnciant ca in sa partimenta de sos pagamentos sos printzipales pagant piús pagu ◊ mudu: marranu chi túncies! ◊ mancu tunciadu at Etymon srd. Translations French gémir, glapir, japper English to whine Spanish gemir, aullar Italian gèmere, mugolare, uggiolare German stöhnen, winseln.

túnchiu , nm, nf: (su t. = sutúnchiu) ciúnchiu túncia, túnciu, túnghiu, tzúnchiu Definition genia de boghighedha coment'e a lamentu po dolore, ma fintzes po gosu, cuntentesa; sa boghe de su cane candho dh'ant atripau; cosa chi si narat a lamentu; genia de sonu lamentosu / su túnchiu de sa morte = póleu, sórriga, su sorrogu de chie est morindho Synonyms e antonyms agémenu, ghémida, intzúnchidu, pibia, píliu / chensa, coroju, murrunzu, órulu, teroju, torunzu / múliu Sentences túncios de piantu cuades istratzendhe tràmulas sicadas a s'àrvure de su coro ◊ no che lis at essidu unu túnciu ◊ si ch'est andhadu a coa bàscia, a túnciu e a murrunzu 2. finamentra innoghe sa zente est a túncia fata contra a sa mala amministrascione 3. no sempre sos túnghios de su bentu li fiacabant su sonnu (G.Piga) Etymon srd. Translations French gémissement, glapissement English whimpering Spanish lamento, quejido, aullido Italian gèmito, mugolìo German Stöhnen, Winseln.

turulàre , vrb Definition istare a tórulos, a boghes, a lamentos Synonyms e antonyms abeliai, agruguai, agrumiai, arrulliai, borulare, corojare, gurruliai, intzunchiai, torrunzare Translations French gémir, glapir English to whimper Spanish gemir Italian mugolare German winseln.