abbacài, abbacàre , vrb: abbacuai, abbacuare, abbracare Definition fortzare prus pagu, menguare, abbasciare de calecuna cosa, nau mescamente de fortzas o de cosas chi faent fortza; tròchere e abbasciare sa parte prus arta, incrubare Synonyms e antonyms abblandai, abbonantzai, allentai, ammellare, assebiai, assussegai, illebiare, imbacari / abbambiai 1 / abasciai, imbasciai, muciare | ctr. acadriare, afortiai, apretai, incrispai Sentences testimonzas de isperas gallizant lieras pro sempre saidadas dae unu bentu chi niune at a poder abbacare (C.Puddu)◊ su ventu at abbacatu ◊ abbacare su dolore ◊ su temporali est abbacau ◊ abbàcala sa barra! ◊ sos boes ant abbacau su passu ◊ abbacuit su fogu! ◊ che li fut morta sa muzere e pro abbracare su dispiaghere corcaiat cun sa teraca 2. abbaca sa fune! 3. fuit abbacanne sa conca po saludu ◊ colanne at abbacadu sa bannera pro saludu a sas autoridades ◊ prus ti abbacas e prus su culu si paret! Translations French calmer, ralentir, diminuer English to calm, to slow down, to diminish Spanish calmar, reducir, bajar Italian calmare, rallentare, scemare German beruhigen, abnehmen.

discaràre , vrb rfl Definition bogare sa cara, lassare bíere sa cara, fàere a bíere Synonyms e antonyms ifatzolare, iscarare Etymon spn. descararse Translations French se démasquer English to take off one's mask, to give oneself away Spanish desenmascarar Italian smascherarsi German sich demaskieren, die Maske abnehmen.

illangiàre , vrb: illanziare, illanzigare, irlanzare, islanzare, islanzigare, slangiai Definition bènnere o fàere làngiu, marriu Synonyms e antonyms apedhuncare, illagnare, irromasire, isminunchire, ispurpire, istincare, scalaxiri, slangiri | ctr. ingrassai Sentences su pentzare meda a su pitzocu la fut finíndhela e si fut irlanzandhe Etymon srd. Translations French maigrir English to make thinner Spanish adelgazar Italian dimagrire German abnehmen.

immeltzàre , vrb: ismeltzare Definition bènnere o essire prus pagu, bogare una parte, fàere prus pagu Synonyms e antonyms abasciai, amenguai, ilminorigare, immenguare, impagai, irminèscere, miminare, scimai, torrae | ctr. crèschere Translations French diminuer English to lessen Spanish disminuir, menguar Italian diminuire, scemare German vermindern, abnehmen.

irromasíre , vrb Definition pèrdere grassore, fintzes prupas, essire làngiu Synonyms e antonyms apedhuncare, illangiare, ilmarrire, irromasare, isminunchire, istincare, scalaxiri, slangiri | ctr. ingrassare Sentences fit irromasidu, azummai si che fit mortu ◊ za at irromasidu pagu: a trinta ses chilos est faladu! Etymon srd. Translations French maigrir English to make thin Spanish adelgazar Italian dimagrire German abnehmen.

iscarríre , vrb Definition segare sa carre, sa prupa de s'ossu, orrunchinare; pèrdere sa prupa comente unu illàngiat Synonyms e antonyms irromasire, isprupare, ispurpire Sentences de cudhu teracu mumudinu sos porcos acorrados si ant iscarridu finas sos ossos Etymon srd. Translations French décharner, maigrir English to strip the flesh, to thin Spanish descarnar Italian scarnire, dimagrire German entfleischen, abnehmen.

ischintolzàre , vrb: ischintorzare, issintorgiare Definition bogare sa chintorza, su chintórgiu; iscúdere, atripare a chintórgiu / ischintorzare de su risu = mòrriri, crepai de s'arrisu Etymon srd. Translations French détacher sa ceinture English to unbelt Spanish sacarse el cinturón Italian levarsi la cintura German sich den Gürtel abnehmen.

isminunchíre, isminuncíre , vrb Definition torrare a s'ossu, essire iscarritzinu, làngiu Synonyms e antonyms apedhuncare, illanzigare, irromasire, istincare, scalaxiri, slangiri Translations French maigrir beaucoup English to lose weight a lot Spanish adelgazar mucho Italian dimagrire mólto German abnehmen.

menguanàre , vrb Definition torrare a prus pagu Synonyms e antonyms allatzicare, amenguai, immenguare, miminare | ctr. crèschere Etymon srd. Translations French diminuer, baisser English to diminish Spanish menguar, disminuir Italian scemare German abnehmen.

scalaxíri , vrb: scaligiri, scalixiri Definition nau de ccn., essire o fàere làngiu, in cara mala, in cara che sa tela Synonyms e antonyms apedhuncare, illangiare, irromasire, isminunchire, istincare, scaliri, slangiri / incerai Sentences ti fiast scalaxia ◊ Minnia si scalixiat sempri prus, dí po dí su tziu dha biriat mortoxinendusí Translations French maigrir English to make thin Spanish adelgazar Italian dimagrire German abnehmen.

scecutài , vrb: escecutare*, iscicutai, scicutai, sciucutai Definition su chi faet sa giustítzia candho a unu ndhe ndhi pigat su chi tenet; furare totu, giare a pitzu a ccn. po che dhi furare sa cosa, po dhi fàere dannu, fintzes brigare meda / fata e scicutada! = fata (sa mancàntzia) e pagada Synonyms e antonyms aprensionai, imbargai, issucutare, istajire, preare / irrobbare Sentences su meri dh'iat fatu scicutai finas a ndi torrai totu su chi dhi depiat ◊ sa giustítzia dhu scicutit! 2. gagliotu, totu sa dí est scicutendimí sa butega! ◊ ant lassau totu su logu scicutau ◊ meda tempus fait, is terras funta scicutadas de is Turcus: torrobbànt is massajus e nce dhus portànt in Turchia Translations French confisquer, réquisitionner English to requisition Spanish embargar, secuestrar Italian sequestrare, requisire German beschlagnahmen, abnehmen.

tòdhere , vrb Definition pigare cun is manos siat in su sensu de arregòllere (de terra, de sa mata) po chistire, pònnere in s'istrégiu, e siat in su sensu de istesiare / pps. tódhiu Synonyms e antonyms acabidae, acoglire, arragolli, bòdhere, bodhire, leai, todhire | ctr. lassai Idioms csn: po si tòdhere su fàmene = pro si catzare sa gana, su fàmine; tòdhere s’obbrigassione = catzàresi un'óbbrigu, torrare unu piaghere Sentences dae ogros tódhiche s'iscuru! ◊ pro si tòdhere sa nechidade cust'ómine si la cantat de gosi ◊ so cudhu de sos frutos de mal'oltu e todho inoghe indàtile pro figu ◊ chie ti los todhet sos pessamentos dae conca? ◊ custu mi nche todhet su sonnu ◊ si che at tódhiu sas ulleras dae cara ◊ carchi cosa che l'ant tódhia ca fit tropu Etymon ltn. tollere Translations French enlever English to take away Spanish quitar Italian tògliere German abnehmen.

«« Search again