Ditzionàriu in línia
de sa limba e de sa cultura sarda

púpu , nm Definitzione pipiedhu de naschidórgiu, ma fintzes de calecunu annu / min. pupitu Sinònimos e contràrios creadura, criatone, fizaredhu, pipiu Frases passendhe tremulades s'ervutza e sa foza che carignu innotzente de pupu risulanu ◊ ant àpidu su pupu apenas nadu ◊ anninnia, pupu bellu, chi ses bellu chei s'oro! Ètimu ltn. pupus Tradutziones Frantzesu petit enfant Ingresu baby, child Ispagnolu criatura, niño Italianu bimbo Tedescu Kind.

púpu 1 , nm Definitzione sa figu apenas chi si cumènciat a bíere e po cantu est crua Sinònimos e contràrios crabione, perchinzone Frases a santu Zubanne de làmpadas si biet su pupu de sa ficu predinzana… ◊ a bortas ruet innantis su pupu chi no sa ficu Terminologia iscientìfica rbr Tradutziones Frantzesu sycone Ingresu syconium Ispagnolu higo no maduro Italianu sicònio, fico immaturo Tedescu Feigenblüte, unreife Feige.