Ditzionàriu in línia
de sa limba e de sa cultura sarda

difícile, difícili , agt: difítzile Definizione chi est trebballosu, malu a fàere, a cumprèndhere, a cuntentare, chi ponet in dificurtade, faet istentare / est d. chi… = est raru, si faet pagu Sinonimi e contrari fadiosu, incolliosu, inzotosu, mendhecosu | ctr. discanciosu, fàcile, incolliosu Frasi est difítzile mannu chi pro sa festa manchet sa gara de poesia ◊ sa pigada est difícile a dha fàere po su fàmene chi teneus!◊ comenti est difícili a si fai cumprèndiri! 2. como est difícile chi in iscola is pipios istúdient solu una limba Etimo itl. Traduzioni Francese difficile Inglese difficult Spagnolo difícil Italiano diffìcile, àrduo Tedesco schwierig, schwer.

gremédhu , agt Definizione nau de cosa de còere sicada, àrrida (es. fae, chíghere), chi est de malu cotu, malu a còere Sinonimi e contrari malacoi | ctr. coxibi Traduzioni Francese de cuisson difficile Inglese hard to cook Spagnolo teniente, verriondo Italiano di diffìcile cottura Tedesco schwer kochbar.

incolliósu , agt Sinonimi e contrari difícile, imbusticau | ctr. fàcile, simple Traduzioni Francese complexe, difficile Inglese complex, difficult Spagnolo complejo Italiano complèsso, diffìcile Tedesco kompliziert.

inzotósu , agt Definizione chi giaet inzotu, trebballu, chi no est fàcile a fàere Sinonimi e contrari ischissimignosu, matanosu, mendhecosu, peleosu, trabagiosu | ctr. discanciosu Frasi de triballu inzotosu no si ndhe achipit Etimo srd. Traduzioni Francese difficile Inglese difficult Spagnolo dificultoso Italiano difficoltóso Tedesco schwierig.

matanzósu , agt Definizione chi giaet matana meda Sinonimi e contrari matanosu Frasi bi at un'amore fàtzile a cantare e unu matanzosu a lu praticare Etimo srd. Traduzioni Francese rude, difficile Inglese ardous Spagnolo ímprobo Italiano ìmprobo, difficoltóso Tedesco schwer.

mendhósu , agt Definizione nau de ccn., chi tenet o faet a bíere mendheas, coment'e crisandho sa cosa Sinonimi e contrari mendhecosu, pilingosu, pullinu Frasi no ti cumbenit a fàghere su mendhosu: menzus chi mànighes totu! Etimo srd. Traduzioni Francese délicat, difficile, chichiteux (fam.) Inglese fussy Spagnolo delicado, descontentadizo Italiano schizzinóso Tedesco heikel.

ociànu , agt: ocrianu, oghianu 1, ogianu, ogranu, ogrianu 1, ojanu, oxanu Definizione nau de ccn., chi ponet ogu a sa cosa de is àteros e no si cuntentat de su chi si dhi giaent, de su suo, chi dhi paret pagu o peus; nau de cosa, chi est bella a dha bíere, chi cuntentat s'ogu Sinonimi e contrari abbramiu, betiosu, oghimannu / ocione, ojosu / cdh. ugianu Frasi ojanu comente fit, si at costoidu su pane pro si lu manigare isse solu ◊ faghe bene sas partes, già l'ischis chi isse est ogrianu! ◊ cussu est ogrianu: ndhe li dias pagu o meda, ti narat chi est pagu! ◊ su prus oghianu tzérriat poita sa prus manna fita ndi bolit pigai (Lai) 2. est pruna madura e oghiana ◊ bollu cudhu préssiu, ca est prus oghianu Cognomi e Proverbi smb: Oggianu, Oggiano, Otgianu, Otgiano / prb: su malu partire faghet sa zente ojana Terminologia scientifica ntl Etimo srd. Traduzioni Francese difficile à contenter, goulu Inglese greedy Spagnolo descontentadizo Italiano incontentàbile, ingórdo Tedesco unersättlich, gierig.

oghimànnu , agt: ojimannu Sinonimi e contrari ocianu Etimo srd. Traduzioni Francese difficile à contenter Inglese insatiable Spagnolo descontentadizo Italiano incontentàbile Tedesco ungenügsam, unersättlich.

trabagiósu , agt: trabagliosu, trabballosu, travagliosu, travallossu, tribagliosu Definizione nau de faina, chi est a pelea, chi dhue bolet pelea meda po dha fàere Sinonimi e contrari dificurtosu, fadigosu 1, inzotosu, matanosu, mendhecosu, peleosu, pistosu, trumentosu / cdh. trabadhosu | ctr. discanciosu, lébiu Frasi sa pinna est ispantosa che tenteu ca est de linna tropu tribagliosa ◊ est trabballosu a bivi sempri aici ◊ custu tempus est trabballosu ◊ fit tribagliosu a sa mia pessone a fàghere cuss'iscala ’e su calvàriu (A.Puddu)◊ custu est unu logu tribagliosu ◊ cust'òpera est tantu manna e travagliosa chi no la potiat fàchere àtere Etimo ctl. traballós Traduzioni Francese fatigant, difficile Inglese fatiguing, difficult Spagnolo trabajoso Italiano faticóso, difficoltóso, defatigante, àrduo Tedesco schwer, schwierig.