Legenda Abbreviazioni | Legenda Simboli

cróchidu , nm Definizione sa boghe chi faet su porcu candho si acostit gente chi connoschet (ma fintzes genia de boghe de su pipiu a murrúngiu, unu pagu coment'e cricandho de prànghere); sa boghe de su crobu Sinonimi e contrari ipóscidu, iscrúfulu, tzuinu Frasi s'intendhet su cróchidu de sos corbos ◊ su porcu est a cróchidos ◊ su pitzinnu est a cróchidos ca at bidu sa mama ma no l'at leadu! Terminologia scientifica bga Etimo srd. Traduzioni Francese grognement Inglese grunt Spagnolo gruñido Italiano grugnito Tedesco Grunzen.

morrúgnu , nm: morrúngiu, morrunzu, murrúngiu, murrunzu Definizione su chi s'istat naendho, prus che àteru a boghe bàscia, candho unu no est cuntentu o est fintzes unu pagu arrennegadu o contràriu a calecuna cosa, a lamentu e a briga o fintzes deasi tanti po tènnere calecuna cosa de nàrrere fintzes chentza bisóngiu; fintzes genia de iscórriu, de disacórdiu e, nau de cane, genia de ammeletzu in crica de mossigare; nau de su porcu (mannale), is boghes chi faet pedindho Sinonimi e contrari ammúsciu, arrunzu, murrungiamentu, pesperonzu, raganza, tzàntara / ttrs. murrugnu Frasi e prite ti la leas a morrunzu pro pane chi no tastant dentes tuas? (A.Dettori)◊ a costu de ti pònnere in morrunzu ti apo a lègere sa vida ◊ trista sa domu chi no dhui at murrúngiu! ◊ si no cheres cussa cosa, làssala: ma agabbamila cun sos murrunzos! ◊ intendho su porcu a murrunzu: bètali a manigare! 2. Nannedhu e Larenta si cheriant unu bene macu: mai unu murrunzu ant tentu! Cognomi e Proverbi prb: dae su bisonzu su murrunzu Etimo srd. Traduzioni Francese grognement Inglese grumbling Spagnolo reniego, refunfuño, gruñido, desavenencia Italiano brontolìo, rìnghio, mugugno, malcontènto, scrèzio Tedesco Murren.

murrúnzia, murrunzíu , nf, nm Definizione su murrungiare, ma fintzes briga Sinonimi e contrari morrugnu, murrungiamentu Frasi sas murrúnzias fint a tràbicu mascamente ube cumprendhiant sos filedhos de sa política ◊ at dassau pèrdere sas murrúnzias de sa mama ◊ sas féminas che ant lassau fora de sa murrúnzia sos maridos Etimo srd. Traduzioni Francese grognement continuel (reg.), continuelle rouspétance (fam.) Inglese grunt Spagnolo gruñido Italiano mugugno Tedesco Brummen.

múschiu , nm: ammúsciu, músciu 2 (mú-sci-u) Definizione genia de chèscia chi si faet candho si agatat cosa de nàrrere, discuntentos, a protesta; cosa nada agiummai a iscúsiu, boghighedha bàscia Sinonimi e contrari murrúngiu / irmúsciu, mutuzu, píliu, pisintzu, simúschiu, súlida, tzíliu, tzúniu Frasi no mi esseit mancu músciu: timendhe tratenzei fintzas su túsciu ◊ tui ses bellu a fuedhai in domu, ma candu ses aranti de issu no ses capatzu de nci bogai unu músciu 2. camminant a costau de pari sena de bogai músciu ◊ su brúsciu isceti cun d-unu músciu apodhat sa maladia! ◊ no s'intendhet mancu múschiu ◊ no at mancu nau músciu ◊ is picioconedhos faent su chi dhis ponent a fàere chentza bogare múschiu Etimo srd. Traduzioni Francese grognement continuel (reg.), continuelle rouspétance (fam.), murmure, chuchotement Inglese grunt, murmur, whisper Spagnolo gruñido, susurro Italiano mugugno, sussurro, bisbìglio Tedesco Brummen, Flüstern.

tzuínu , nm Definizione sa boghe de su porcu Sinonimi e contrari cróchidu Terminologia scientifica bga Traduzioni Francese grognement Inglese grunt Spagnolo gruñido Italiano grugnito Tedesco Grunzen.

«« Cerca di nuovo