Legenda Abbreviazioni | Legenda Simboli

brutzèra , nf: prutzera* Definizione matucone, chirrione de pilos chi calat a una bandha e àtera de sa conca Sinonimi e contrari lemas Traduzioni Francese mèche Inglese unruly lock of hair Spagnolo crencha Italiano cernécchio Tedesco Haarsträhne.

cherriòne , nm: chirrione, chirrioni, chirrone, cirrioni, cirroni, tzirrone Definizione matzu de pilos, de lana, linu o cosas deasi, pilítzula; nae de sida / cirroni de linu, de cagnu Sinonimi e contrari cirru, ciufu, cucuredhu, fiochedhu, mumulloni, pubusa, pubusone 1, tipisone Frasi cun chíndhalu, cannujas e pubadas de lana o linu, sedas e cotones, fusos, músculas tundhas, chirriones falant filados…◊ cun su pètini de ferru si ndi bogat sa stupa e si aguantat su cirroni de su linu 2. nci donat is ogus in d-unu chirrioni de mata e si sbisogat! Cognomi e Proverbi smb: Cerronis, Cirroni, Cirronis Etimo srd. Traduzioni Francese quenouillée, mèche, flocon, boucle Inglese tuft Spagnolo mechón Italiano pennécchio, ciòcca, biòccolo, cirro Tedesco Spinnrocken, Flocke.

cucurédhu , nm Definizione min. de cúcuru: chirrione o matucone de pilos; terrenu chi faet unu pagu a cúcuru, prus in artu Sinonimi e contrari cherrione, cirru, ciufu, pubusa, pubusone 1, tipisone / monticru Frasi unu cucuredhu de pilos Cognomi e Proverbi smb: Cuccureddu Traduzioni Francese mèche Inglese lock Spagnolo mechón Italiano ciòcca Tedesco Strähne.

istupígnu, istupínzu , nm: stupíngiu Definizione su loghíngiu de sa candhela Sinonimi e contrari loghíngiu, pabilu 1 Frasi como li fuit sa vida che istupinzu de candhela mori mori (G.Porcheddu)◊ s'istupinzu si ch'est frazendhe (e s'istiàrica puru!) Etimo itl. itl./luchinzu Traduzioni Francese mèche Inglese wick Spagnolo mecha Italiano stoppino Tedesco Docht.

loghíngiu , nm: loignu, losíngiu, luchinzu, lughinzu, lusignu, lusíngiu, luxíngiu Definizione s'ispaitu, codriola de cotone atrotigau chi si ponet in mesu de is candhelas o de s'ógiu po allúere Sinonimi e contrari istupignu, lughínzalu, pabilu 1 Frasi sa candela a petróliu portiat su loghíngiu ◊ sa candela portat su lusíngiu abbruschiau ◊ nois duritamus chirchendhe in sas pijas de su ruinzu bostru sos lughinzos chi amus bisadu ◊ s'ozu si est casi totu consumidu, su lughinzu da'ora est reduidu a una niedha tritza fummiosa (P.Cabras) 2. est làngiu che unu losíngiu ◊ cussu piciocu no serbit mancu po losíngiu de candela! Etimo ltn. *lucinium Traduzioni Francese mèche, lumignon Inglese wick Spagnolo pabilo, pábilo Italiano lucìgnolo Tedesco Docht.

mècia , nf: melce, mèlcia, mèrcia, mertza 1, mertze 1, mèscia, mícia Definizione fune posta a budhire cun sale nitru po pònnere fogu (allúere) a is minas; punta de su tràpanu po fàere istampos; puncione po tupare sa carrada (e mòvere po bogare binu); motivu, argumentu chi faet foedhare, ponet tréulu Frasi su Mauchedhu trabballàt me is logus prus maraditus, in perígulu ca dhi tocàt a carriai is forredhus de is minas cun sa bruvura e cun sa mícia ◊ candho sos bucos fuint fatos, Antoni betaiat sa bruvura e poniat sas mícias 3. una mícia, Zuncheddu, as dépiu allui, ma serenu Orrú ti rispundit!(Orrú An.) Terminologia scientifica ans Traduzioni Francese mèche, cordeau détonant Inglese fuse, drill Spagnolo mecha, barrena Italiano mìccia, punta da tràpano Tedesco Zündschnur, Bohrer.

pubusòne 1, pubusòni , nm: pupusoni Definizione chirrione de pilos, de lana, de erba (fintzes naschindho de sèmene cracu cracu a muntonedhu); nue de pruine chi pesat su bentu, fintzes cosa coment'e a muntone / min. pubusonedhu = apisiledhu, trintzilleri de frutuàriu (es. de cheréssia) Sinonimi e contrari brocu 1, cherrione, cirru, ciufu, cucuredhu, pubusa, tipisone, tupada / cdh. pumasoni Frasi custu pubusone de pilos, inoghe: ispizadas bos sezis? ◊ de sèminis ndi ponit unus cantu totus impari, po fai a pubusoni 2. sa vida est unu pubusone de bentu, unu sulu 3. pubusone de abes Etimo srd. Traduzioni Francese mèche Inglese lock, cluster Spagnolo mechón, mecha Italiano ciòcca Tedesco Büschel.

«« Cerca di nuovo