Ditzionàriu in línia
de sa limba e de sa cultura sarda

allampanàdu , agt Definizione nau de ccn., chi no cumprendhet nudha, de pagu inteligéntzia Sinonimi e contrari allampiadu, tontassu / sgudru Frasi e nàrali allampanadu, tue: pro difèndhere sos interessos suos faghet semper un'àrdia! Etimo itl. allampanato Traduzioni Francese têtu, obtus Inglese dull Spagnolo lerdo, tardo Italiano ottuso Tedesco stumpfsinnig.

aperràdu , pps, agt: apirratu Definizione de aperrare; chi no ascurtat a s'àteru, chi costumat a fàere a conca sua Sinonimi e contrari abbetiosu, aputajolu, coteu, istorroniau, perrónchinu, perrosu, pistilosu, serréntile, testarrudu Terminologia scientifica ntl Traduzioni Francese têtu Inglese stubborn Spagnolo testarudo Italiano cocciuto Tedesco dickköpfig.

cónchinu , agt, nm Definizione nau de cosa po comente est posta, chi est betada a una parte, incrubada; nau de unu, chi est trotu, conca trota, chi faet totu de conca sua e male puru, chi est de mal'intesa, malu a pònnere mente, malu a cumbínchere (e no sèmpere po su malu) Sinonimi e contrari ingobbedhadu, parangau / becorinu, perricónchinu, testarrudu Modi di dire csn: zúchere una cosa a c. = inconchinada, parangada a una parti; andhare a sa cónchina = essíreche fora dae su caminu, andhare coment'e furriendhe a un'ala; gàrrigu c… = chi ispendhentat, ruindhesiche a un'ala Frasi unu massaju cónchinu, chi timiat su caldu incunzendhe, at chérfidu semenare in cabidanni pro incunzare premediu…◊ ma ses cónchinu, lah: apu nau ca dhu isciacuamu dèu, cussu istrexu, e ses isciacuendidhu tui etotu! Terminologia scientifica ntl Etimo srd. Traduzioni Francese têtu Inglese stubborn Spagnolo testarudo, terco Italiano testardo, ottuso Tedesco störrisch, Starrkopf.

cotéu , agt Definizione chi est tostau che code, che pedra, nau de sa manera de fàere de unu chi no ascurtat su pàrrere de is àteros Sinonimi e contrari aperradu, crúdinu, testarrudu Terminologia scientifica ntl Traduzioni Francese têtu, buté Inglese stubborn Spagnolo testarudo Italiano cocciuto Tedesco dickköpfig.

cotilósu , agt Definizione nau de ccn., chi est tostau, malu a cumbínchere Sinonimi e contrari campianàgliu, testarrudu Terminologia scientifica ntl Etimo srd. Traduzioni Francese arrogant, têtu Inglese arrogant, obstinate Spagnolo arrogante, testarudo Italiano arrogante, cocciuto Tedesco arrogant, dickköpfig.

perrósu , agt Definizione chi portat perra, chi est malu a cumbínchere a s'arrexone o iscurtare is àteros Sinonimi e contrari aperradu, aputajolu, becorinu, perrónchinu, serronudu, testarrudu / ttrs. ridortu | ctr. asservidu Terminologia scientifica ntl Etimo srd. Traduzioni Francese têtu Inglese obstinate Spagnolo testarudo, terco Italiano testardo Tedesco hartnäckig, dickköpfig.

pertiàssu , agt: pertiatzu 1 Definizione prus che àteru nau de ccn., chi est forte, chi agguantat che pértiga; fintzes chi acostumat a abbetiare Sinonimi e contrari corriatu / abbetiosu, aputajolu, contumaxi, pistilosu, testarrudu Frasi balla ca no tenit idea de morri: lah ca est pertiatzu! 2. tanti no ses pertiassu… candu ti puntas!… Traduzioni Francese tenace, têtu, opiniâtre Inglese wilful, tenacious Spagnolo tenaz, testarudo Italiano tenace, cocciuto, pervicace Tedesco zäh, hartnäckig.

serréntile , agt Definizione nau de ccn., chi acostumat a abbetiare, a fàere su tostorrudu Sinonimi e contrari abbetiosu, acucosu, aputajolu, becorinu, corriatu, coteu, pertiassu, pistilosu, redossu, surràdigu, testarrudu Frasi fiadu serréntile, balla, no ti ascurtat mancari bidat chi no andhat bene comente faghet! Terminologia scientifica ntl Etimo srd. Traduzioni Francese têtu Inglese stubborn Spagnolo testarudo Italiano testardo Tedesco dickköpfig.

testarrúdu , agt, nm: testorrudu, tostorrudu, tosturrudu, tusturrudu Definizione nau de ccn., chi o chie est tostau, de malintesa, chi faet sèmpere de conca sua chentza bòllere intèndhere o fàere su chi dhi narant is àteros fintzes candho podent tènnere arrexone, chi est malu a si currègere Sinonimi e contrari abbetiosu, acucosu, apedhigotau, aperradu, aputajolu, becorinu, conchedhosu, córdinu, coteu, perrónchinu, pertiassu, pistilosu, rebbéchinu, redossu, serréntile, tostoine 1, tostorodhu, turrau / ttrs. ridortu | ctr. asservidu, pensaditu Frasi dhue aiat de ite arresonare, e aiant arresonadu po tempos, e faedhadu, e discútidu, e bogadu prighizones, e tirriadu, e ispiegadu sas cosas a cudhos tostorrudos (A.Cossu)◊ tostorrudu est chie pretat su dortu pro no la dare in bínchida a s'àteru o ca no at su corazu de sa resone 2. genti tostorruda e foras de Deus in su coru e in is origas, seis sempri contras de s'Ispíritu Santu! (Ev.)◊ ma dhu scit ca fostei est tostorrudu diaderus: possíbbili chi no ascurtit unu paghedhu sa cusciéntzia?!…(A.Garau) Terminologia scientifica ntl Etimo ctl. testarrut, tostorrut Traduzioni Francese têtu Inglese headstrong Spagnolo testarudo Italiano testardo, impenitènte Tedesco dickköpfig, Dickköpf.