Ditzionàriu in línia
de sa limba e de sa cultura sarda

andhatzòna , nf Definizione manera de fàere lassandho andhare is cosas a pagu incuru Sinonimi e contrari andheju, annatzu Traduzioni Francese habitudes Inglese bad custom Spagnolo desidia, descuido Italiano andazzo Tedesco Unsitte.

contomànscia , nf: acostumàntzia, costumànscia, costumànsia, costumàntzia, custumàssia Definizione cosas chi si acostumat a fàere Sinonimi e contrari costuma, impósitu, usància Frasi cunfromma a sa mia contomànscia fia onzi sacrifíssiu afrontendhe (G.Sini)◊ est costumàntzia a fai bisita a is isposus candu torrant a domu insoru ◊ si at parau unu grústiu de berbeches remonias chin sa costumàntzia de sa paradura Etimo itl. costumanza Traduzioni Francese coutume Inglese custom Spagnolo costumbre Italiano usanza, costume Tedesco Brauch.

finantzéri , nm: finantzieri Definizione guàrdia de finantza; chie istúdiat e connoschet is chistiones de sa finantza o amministrat dinare Sinonimi e contrari finantza / banchieri Terminologia scientifica prf Traduzioni Francese agent de la "Guardia di Finanza" Inglese custom officer, financier Spagnolo guardia de la policía fiscal, financiero Italiano finanzière Tedesco Zöllner, Zollbeamte, Steuerfahnder, Finanzier.

impósitu , nm Definizione manera de fàere de unu logu, cosa chi si costumat; cosa chi si narat a un'àteru po chi iscat méngius comente fàere, nàrrere o àteru, o fintzes solu po chi dha fatzat, coment'e un'órdine, un'óbbrigu; fintzes meledu, acucada Sinonimi e contrari costuma, usàntzia / consígiu, imposta Modi di dire csn: malus impósitus = abbitúdines malas; dare bonos impósitos = donai contzillus bonus Frasi dai sos malos impósitos benit sa revolutzione ◊ in domo bi fit s'impósitu chi si deviant imparare sas fainas ◊ c'est s'impósitu de non abèrriri is ventanas de domu po cantu durat su lutu ◊ una fémina iat negau s'impósitu a su pobidhu e su préide dh'iat nau: No si negat s'impósitu a su matrimóniu! Etimo ltne. impositum Traduzioni Francese coutume, usage, conseil Inglese custom, hint Spagnolo costumbre, sugerencia Italiano usanza, suggeriménto Tedesco Sitte, Ratschlag.

parúsu , nm Definizione su fàere calecuna cosa coment'e costuma, usàntzia, abbitúdine, manera de fàere o impreu de calecuna cosa chi est de medas o fintzes de dura, a tanti tempus / àere a p. = parusare, acostumai a…, connòsciri bèni, abbitai cun…; leare su p. = pigai s'abbitúdini Sinonimi e contrari costuma, usàntzia Frasi sos male intraniados ant a parusu s'ingannu ◊ in bidha nostra a fàghere gai no che l'amus a parusu ◊ custu ordinzu no l'apo a parusu e no l'isco acontzare ◊ est pessone chi no apo a parusu ◊ custu santu faghevaghe pro sos frutos de s’aradu, pro tusorzu e porchinadu beniat postu in parusu (B.Trudhaju)◊ su parusu contat meda Traduzioni Francese habitude, coutume Inglese custom Spagnolo costumbre Italiano consuetùdine, uso Tedesco Brauch.